اسلام آباد: ایران کے صدر ڈاکٹر مسعود پزشکیان اعلیٰ سطحی وفد کے ہمراہ پاکستان پہنچ گئے، جہاں ان کے خصوصی طیارے نے پاکستانی سرزمین پر لینڈ کیا۔
نور خان ایئربیس پر صدرِ مملکت آصف علی زرداری، وزیراعظم شہباز شریف، نائب وزیراعظم و وزیر خارجہ اسحاق ڈار، چیئرمین پاکستان پیپلز پارٹی بلاول بھٹو زرداری اور دیگر اعلیٰ حکام نے ایرانی صدر کا پرتپاک استقبال کیا۔ ایرانی صدر کے ہمراہ وزرا اور اعلیٰ حکام پر مشتمل وفد بھی پاکستان پہنچا ہے۔سرکاری ذرائع کے مطابق دورے کے دوران صدر مسعود پزشکیان صدر آصف علی زرداری اور وزیراعظم شہباز شریف سے ملاقاتیں کریں گے، جبکہ دوطرفہ تعلقات، تجارت، توانائی، سرحدی تعاون اور خطے کی مجموعی صورتحال پر تفصیلی تبادلہ خیال کیا جائے گا۔
دورے کے دوران ایرانی صدر پاکستان کی قیادت سے اہم ملاقاتیں کریں گے، جن میں دوطرفہ تعلقات کے فروغ، تجارت، علاقائی صورتحال اور باہمی تعاون کے امور پر تبادلہ خیال کیا جائے گا۔ذرائع کے مطابق ایرانی صدر امریکا ایران جنگ کے دوران جنگ بندی اور امن کوششوں میں پاکستان کے کردار پر شکریہ بھی ادا کریں گے۔ایرانی صدر کی صدر آصف علی زرداری، وزیراعظم شہباز شریف اور عسکری قیادت سے ملاقاتیں شیڈول ہیں، جن میں خطے کی صورتحال اور باہمی دلچسپی کے معاملات زیرِ بحث آئیں گے۔
ایرانی صدر جس طیارے پر پاکستان آئے اس کا نام ’میناب‘ ایران میں اسکول پر حملے میں شہید بچوں کے نام پر رکھا گیا ہے،