Category: لاہور

معروف صحافی اور ٹی وی میزبان اقرار الحسن نے اے آر وائی نیوز سے 21 سالہ وابستگی کے بعد باقاعدہ استعفیٰ دے دیا ہے۔

اقرار الحسن نے سماجی رابطے کی ویب سائٹ ایکس پر اپنے فیصلے کا اعلان کرتے ہوئے کہا کہ انہیں اے آر وائی نیوز اور اپنی سیاسی تحریک “عوام راج” میں سے کسی ایک کا انتخاب کرنا تھا، لہٰذا انہوں نے “عوام راج” کا راستہ اختیار کیا۔اقرار الحسن نے اپنی پوسٹ میں لکھا کہ 21 سال کا شاندار سفر اپنے اختتام کو پہنچ گیا ہے۔ انہوں نے پروگرام “سرِ عام” کو ملنے والی محبتوں، دعاؤں اور عوامی پذیرائی پر ناظرین کا شکریہ ادا کیا۔ ان کا کہنا تھا کہ وہ بے شمار یادوں کے ساتھ اس نئے سفر کا آغاز کر رہے ہیں۔

اقرار الحسن نے اپنے صحافتی کیریئر کا آغاز اُس وقت کیا تھا جب اے آر وائی نیوز کی نشریات دبئی سے جاری ہوتی تھیں۔ ابتدائی دور میں انہوں نے بطور نیوز کاسٹر اپنی شناخت بنائی، جبکہ بعد ازاں کرپشن کے خلاف اپنے مشہور پروگرام سرِ عام کے ذریعے ملک بھر میں شہرت حاصل کی۔دو دہائیوں سے زائد عرصے تک وہ اے آر وائی نیوز کا نمایاں چہرہ رہے اور پاکستانی میڈیا میں ایک بااثر آواز کے طور پر جانے گئے۔ ان کی صحافتی خدمات اور تحقیقاتی رپورٹس نے انہیں عوامی حلقوں میں خاص مقام دلایا۔

اقرار الحسن کے استعفے کی بنیادی وجہ ان کی نئی سیاسی جماعت عوام راج کو قرار دیا جا رہا ہے۔ انہوں نے واضح کیا کہ صحافت اور سیاست کو بیک وقت ساتھ لے کر چلنا ممکن نہیں تھا، اسی لیے انہوں نے اپنی سیاسی جدوجہد اور عوامی خدمت کے مشن کو ترجیح دی۔اپنے الوداعی پیغام میں انہوں نے اے آر وائی نیوز کی قیادت، ساتھیوں اور ناظرین کا شکریہ ادا کرتے ہوئے کہا کہ یہ 21 سال ان کی زندگی کا یادگار ترین باب رہے گا۔انہوں نے اپنے پیغام کے اختتام پر “پاکستان زندہ باد” اور “عوام راج پائندہ باد” کے نعرے بھی درج کیے

مرکزی مسلم لیگ کے ترجمان ڈاکٹر مزمل اقبال ہاشمی نے کہا ہے کہ موسم گرما کے آغاز کے ساتھ ہی ملک بھر میں بجلی کی شدید لوڈشیڈنگ کی جا رہی ہے، جس نے شہریوں کی زندگی کو بری طرح متاثر کر دیا ہے،حکمرانوں کو عوام کی کوئی پرواہ نہیں،لوڈشیڈنگ نےنظام زندگی مفلوج کر دیا،حکومت ہوش کے ناخن لے اور عوام کو اس عذاب سے نجات دلائے

ڈاکٹر مزمل اقبال ہاشمی کا کہنا تھا کہ ابھی گرمی کا آغاز ہی ہوا ہے لیکن لوڈشیڈنگ کا دورانیہ خطرناک حد تک بڑھ چکا ہے، لاہور سمیت بڑے شہروں میں بغیر کسی شیڈول کے آٹھ آٹھ گھنٹے بجلی کی بندش معمول بن چکی ہے جبکہ دیہی علاقوں میں صورتحال اس سے بھی زیادہ خراب ہے، اگر یہی حالات برقرار رہے تو شدید گرمی میں عوام کو بجلی کے بغیر زندگی گزارنا پڑے گی،درحقیقت حکمرانوں کی ترجیحات عوامی مسائل نہیں بلکہ کچھ اور ہیں، اگر وہ عوام کے خیر خواہ ہوتے تو اس قدر لوڈشیڈنگ نہ ہوتی، ایک طرف سمارٹ لاک ڈاؤن کے باعث غریب طبقہ پہلے ہی مشکلات کا شکار ہے، جبکہ دوسری طرف بجلی کی طویل بندش سے کاروبار اور روزمرہ زندگی مزید متاثر ہو رہی ہے، حکومت فوری طور پر لوڈشیڈنگ کا خاتمہ کرے اور بجلی کے بلوں میں شامل اضافی ٹیکسز بھی ختم کیے جائیں تاکہ عوام کو ریلیف ملے،

وزیراعلیٰ پنجاب مریم نواز شریف نے گندم کے کاشتکاروں کو6 ارب روپے کا باردانہ مفت دینے کا اعلان کر دیا

وزیراعلی پنجاب مریم نواز شریف نے کاشتکارسے 3500 فی من گندم فوری شروع کرنے کی ہدایت کر دی،رجسٹرڈ کاشتکاروں کو پرچیز سنٹر سے فی ایکڑ 10 بوری باردانہ دیا جائے گا،کسان کارڈ ہولڈرز کاشتکاروں سے ترجیحی بنیادوں پر گندم خریدنے کا اصولی فیصلہ کیا گیا ہے،3500 روپے کے نرخ پر گندم خریداری کے 72 گھٹنے کے اندر کاشتکار کو ادائیگی ضروری قرار دے دی گئی،صوبائی اور ڈویژن کی سطح پر سٹرٹیجک مینجمنٹ کمیٹیاں قائم، گندم خریداری کے امور کی مانیٹرنگ کی جائے گی، وزیراعلیٰ مریم نواز شریف کے تاریخ ساز پراجیکٹس پر 88فیصد کسانوں نےا اظہار اعتماد کر دیا

وزیراعلیٰ مریم نواز شریف نے پنجاب میں ”ورک ود پنجاب گورنمنٹ“پروگرام شروع کرنے کا اعلان کر دیا،ایگریکلچر گرایجویٹ سمیت دیگر کو انٹرن شپ کے مواقع فراہم کیے جائیں گے،کسان کارڈ سے 100ارب روپے کے قرضوں کے اجراء کا ریکارڈ، 99 فیصد وصولی کاریکارڈ بھی بن گیا،کسان کارڈ کے ذریعے 9لاکھ کاشتکاروں کی رجسٹریشن، وزیراعلیٰ مریم نواز شریف نے رجسٹریشن جاری رکھنے کی ہدایت کر دی،

اجلاس میں بریفنگ کے دوران بتایا گیا کہ گرین ٹریکٹر سکیم کے تحت 30 ہزار ٹریکٹرز کا ہدف، 20 ہزار ٹریکٹرز کاشتکاروں کو مل گئے،گرین ٹریکٹر سکیم اور ایگریکلچر میکانائزیشن کی وجہ سے مقامی انڈسٹری فروغ پانے لگی۔ ڈسکہ میں ہارویسٹر کی مقامی سطح پر تیاری کے لئے لوکل مینوفیکچرز بھی سرگرم عمل۔وزیراعلیٰ پنجاب مریم نواز کا کہنا تھا کہ کسان کو متاثر نہیں ہونے دیں گے،زرعی ترقی کو پائیدار بنیادوں پر استوار کیا جارہا ہے،دو سال میں اللہ تعالیٰ کے فضل و کرم سے حقیقی زرعی انقلاب لانے کا اعزاز حاصل ہے۔

‎تحریک انصاف نے بانی پی ٹی آئی کی آنکھ کے علاج سے متعلق شدید تشویش کا اظہار کرتے ہوئے مطالبہ کیا ہے کہ ان کے ذاتی معالجین کو فوری طور پر رسائی دی جائے تاکہ مناسب اور شفاف طبی سہولیات یقینی بنائی جا سکیں۔ پارٹی ترجمان کے مطابق موجودہ صورتحال نے کئی سوالات کو جنم دیا ہے۔
‎تفصیلات کے مطابق پی ٹی آئی کی جانب سے کہا گیا ہے کہ ڈاکٹر فیصل سلطان اور ڈاکٹر عاصم یوسف کو فوری طور پر بانی پی ٹی آئی تک رسائی دی جائے تاکہ وہ ان کا معائنہ کر سکیں اور علاج کے عمل کو بہتر بنایا جا سکے۔ ترجمان کا کہنا تھا کہ علاج کے حوالے سے شفافیت کی کمی نے پارٹی قیادت اور کارکنان میں تشویش پیدا کر دی ہے۔
‎پارٹی نے اس بات پر زور دیا کہ ہر قیدی کو بروقت اور معیاری طبی سہولیات فراہم کرنا قانونی اور بنیادی حق ہے، جسے کسی بھی صورت نظر انداز نہیں کیا جا سکتا۔ ترجمان کے مطابق اگر طبی سہولیات میں تاخیر یا کمی ہوئی تو اس کے سنگین نتائج سامنے آ سکتے ہیں۔
‎پی ٹی آئی نے مطالبہ کیا کہ حکومت اور متعلقہ حکام اس معاملے کو سنجیدگی سے لیں اور فوری اقدامات کریں تاکہ بانی پی ٹی آئی کو بہترین طبی سہولیات فراہم کی جا سکیں۔ پارٹی کا کہنا ہے کہ صحت کے معاملات پر سیاست سے گریز کیا جانا چاہیے اور انسانی بنیادوں پر فیصلے کیے جائیں۔
‎ماہرین کے مطابق قیدیوں کو طبی سہولیات کی فراہمی نہ صرف قانونی تقاضا ہے بلکہ انسانی حقوق کا بھی اہم حصہ ہے، اس لیے ایسے معاملات میں شفافیت اور فوری کارروائی انتہائی ضروری ہوتی ہے۔
‎یہ معاملہ سیاسی اور عوامی سطح پر بھی اہمیت اختیار کر گیا ہے، جہاں مختلف حلقے صورتحال پر گہری نظر رکھے ہوئے ہیں۔