Author: ممتاز حیدر

وزیراعظم شہباز شریف نے قطر کے وزیراعظم سے ٹیلی فونک گفتگو کی، دونوں رہنماؤں نے بدلتی ہوئی علاقائی صورتحال پر تبادلہ خیال کیا اور خطے میں جاری امن کی کوششوں پر پیشرفت کا جائزہ لیا۔

پاکستان نے امن اقدامات کیلئے قطر کی مسلسل اور ثابت قدم حمایت پر تعریف کی، دونوں رہنماؤں نے امن کی جاری کوششوں کیلئے تعمیری روابط کی اہمیت پر زور دیا۔وزیراعظم نے دونوں ممالک کے درمیان برادرانہ تعلقات کی گہرائی کا اعادہ کیا۔شہباز شریف نے ریاست قطر کے امیر شیخ تمیم بن حمد الثانی کو تہہ دل سے تہنیتی پیغام پہنچایا اور کہا کہ وہ امیر قطر کے آئندہ دورۂ پاکستان کے منتظر ہیں۔انہوں نے کہا کہ امیر قطر کے دورے سے پاکستان اور قطر کی پائیدار شراکت داری کو مزید مضبوط اور وسعت دینے میں مدد ملے گی۔

مرکزی مسلم لیگ کے زیر اہتمام “معرکۂ حق، عشرۂ تشکر” کے سلسلے میں نویں روز ریلیوں، کانفرنسوں، سیمینارز، اجتماعات اور مختلف تقریبات کا لاہور، اسلام آباد، کراچی ، فیصل آباد، سیالکوٹ ، لودھراں، ساہیوال، وہاڑی، چنیوٹ، ایبٹ آباد اور دیگر شہروں میں انعقاد کیا گیا۔

لاہور میں ناصر باغ سے پنجاب اسمبلی تک ریلی نکالی گئی جس میں ہزاروں لوگوں نے شرکت کی، شرکاء نے پاک فوج کے حق نعرے بازی کی اور ہاتھوں میں قوم پرچم اٹھا رکھے تھے ۔ ریلی سے صدرمسلم لیگ خالد مسعود سندھو، جنرل سیکرٹری سیف اللہ قصوری، نائب صدر طلحہ سعید، جائنٹ سیکرٹری محمدیعقوب شیخ، چیئرمین شعبہ خدمت خلق شفیق الرحمن وڑائچ، مرکزی ترجمان مزمل اقبال ہاشمی، جنرل سیکرٹری لاہور حمید الحسن گجر و دیگر نے خطاب کرتے ہوئے کہا کہ پاکستان نے اپنے سے کئی گنا بڑے دشمن کو شکست دے کر ثابت کیا کہ قومی اتحاد، مضبوط قیادت اور بہادر افواج وطن کے دفاع کو ناقابلِ تسخیر بناتے ہیں، مقررین نے اپنے خطابات میں کہا کہ معرکۂ حق “بنیان المرصوص” میں افواجِ پاکستان نے بے مثال جرات، پیشہ ورانہ مہارت اور قربانیوں کی روشن مثال قائم کی، جس پر پوری قوم اپنی بہادر افواج کو خراجِ تحسین پیش کرتی ہے۔ انہوں نے کہا کہ وطنِ عزیز کے دفاع، سلامتی اور استحکام کیلئے پوری قوم افواجِ پاکستان کے شانہ بشانہ کھڑی ہے۔ پاکستانی قوم اپنے نظریے، سلامتی اور آزادی کے تحفظ کے لیے متحد ہے۔ دیگر شہروں میں ہونے والی تقریبات میں خواتین، طلبا، وکلا کا جوش و خروش دیدنی تھا، شرکا بنیان مرصوص کے بینر اٹھائے افواج پاکستان کے حق میں‌نعرے لگا رہے تھے.

کراچی کانفرنس سے مرکزی مسلم لیگ کے نائب صدر حافظ عبدالرؤف ، صدر سندھ فیصل ندیم ، صدر کراچی ندیم اعوان، اسلام آباد میں زونل صدر احسان اللہ منصور، صدر اسلام آباد انعام الرحمن کمبوہ، صدر یوتھ لیگ تابش قیوم، خواتین کی ریلی سے عظمی گل صاحبہ، وہاڑی میں ریلی سے حارث ڈار، صدر ہزارہ عبد الغفار منصور، و دیگر نے خطاب کیا۔ شعبہ خدمت خلق پاکستان مرکزی مسلم لیگ کی اپیل پر فیصل آباد میں الحمد ہسپتال اینڈ کالج آف پیرا میڈیکل سائنسز کے سامنے تشکر واک کا انعقاد کیا گیا۔ واک میں ڈاکٹرز، پیرا میڈیکل سٹاف اور مختلف شعبہ ہائے زندگی سے تعلق رکھنے والے افراد نے بھرپور شرکت کی، چنیوٹ میں ڈاکٹرز، پیرا میڈیکل سٹاف نرسزاور ہیلتھ ورکرز نے شرکت کی ،