پنجاب حکومت نے جمعیت علماء اسلام کو پھولنگر قصور میں جلسے کی اجازت دینے سے انکار کر دیا، حکومت کی طرف سے کانفرنس کی اجازت دینے سے انکار پر جے یو آئی پنجاب کا ردعمل سامنے آیا ہے
جے یو آئی رہنما سیکرٹری جنرل جے یو آئی پنجاب حافظ نصیر احمد احرار کا کہنا تھا کہ جے یو آئی ہر صورت کانفرنس کرے گی حکومت کے انکار کو جوتے کی نوک پر رکھتے ہیں۔ صوبائی حکومت، مقامی سیاستدان اور انتظامیہ بوکھلاہٹ کا شکار ہیں۔جے یو آئی سربراہ مولانا فضل الرحمن لاہور کے لئے روانہ ہوچکے ہیں۔انتظامیہ اور پولیس کا رویہ بدتمیزی پر مبنی ہے جس کی شدید مذمت کرتے ہیں۔انتظامیہ کے رویے سے جے یو آئی کارکنان میں اضطراب و اشتعال بڑھ رہا ہے۔انتظامیہ کے رویے سے کوئی ناخوشگوار واقعہ ہوا تو ذمہ داری انتظامیہ پر ہوگی۔ ہم ہر صورت جلسہ کریں گے کوئی مائی کا لال ہمیں عوام سے دور نہیں کرسکتا۔