خانیوال ڈپٹی کمشنر آغا ظہیر عباس شیرازی کی زیر سرپرستی غیرقانونی پٹرول پمپس کیخلاف کریک ڈائون اتوار کے روز بھی جاری رہا-
تحصیل انتظامیہ، سول ڈیفینس،انڈسٹریز، کسٹم اور پولیس کے افسران پر مشتمل انفورسمنٹ ٹیم نے تحصیل جہانیاں کے مختلف علاقوں میں چیکنگ کے دوران 5 مزید غیر قانونی پٹرول پمپس سیل کرکے مالکان کو نوٹسز جاری کردیئے- .
انفورسمنٹ ٹیم کے چھاپوں کے دوران پمپ مالکان کے فارم اور دیگر مطلوبہ دستاویزات پیش نہ کرسکے تھے-پٹرول پمپس مالکان کے مقررہ معیاد کے اندر درکار ضروری کاغزات پیش نہ کرنے کے بعد ان کے خلاف کسٹمز ایکٹ کے تحت ایف آئی آر درج کرائی جائے گی- ڈپٹی کمشنر نے ضلعی محکموں کو بلاتفریق کریک ڈائون جاری رکھنے کی ہدایت کی ہے-