اسلام آباد:کپتان نے زمینداروں کوبھی خوش کردیا ، گندم خریداری کی سرکاری قیمت 1400 روپے فی مَن مقررکردی ہے ،اطلاعات کےمطابق اسلام آباد میں وزیراعظم عمران خان کے مشیر خزانہ عبدالحفیظ شیخ کی زیر صدارت اقتصادی رابطہ کمیٹی کے اہم اجلاس میں اس بات کا فیصلہ ہوا
ذرائع کے مطابق ای سی سی نے اجلاس کے دوران گندم کی امدادی قیمت 1365 روپے سے بڑھا کر1400 روپے فی40 کلو گرام کرنے کی منظوری دی ہے۔نئی قیمت کے تحت حکومت کسانوں سے فی من گندم 14 سو روپے میں خریدے گی۔
ذرائع کے مطابق اجلاس میں گندم کی امدادی قیمت میں اضافے کے آٹے کی قیمت پر اثرات کا جائزہ لیا گیا۔اس اجلاس میں زمینداروں سے گندم کی وصولی کےبارے میں بھی اہم تجاویزدی گئیں ، یہ بھی کہا گیا ہےکہ زمینداروں کوحکومت کی طرف سے بھرپورریلیف بھی دیا جائے گا