وزیر اعلی پنجاب سردار عثمان بزدار کی ہدایت پر ضلع میں سرکاری رقبوں پر ناجائز قابضین کیخلاف جاری کارروائیوں کے تسلسل کو برقرار رکھتے ہوئے ضلعی انتظامیہ نے موضع ذخیرہ میں سرکاری رقبہ پر ناجائز قابضین کیخلاف پھر بڑا کریک ڈائون کرکے مزید 250ایکڑ(10مربع)سرکاری رقبہ ناجائز قابضین سے واگزار کرلیا-
ڈپٹی کمشنر ظہیر آغا ظہیر عباس شیرازی نے اس کارروائی کی نگرانی کی-اسسٹنٹ کمشنر بختیار اسماعیل،تحصیلدار، سمیت پولیس و دیگر متعلقہ محکموں کے افسران بھی ہمراہ تھے -کارروائی کے دوران رقبہ پر کاشتہ فصلیں بھاری مشینری کی مدد سے تلف،تعمیرات مسمار کردی گئیں یہ آپریشن موضع ذخیرہ میں چند روز قبل کی جانے والی کارروائی کے تسلسل میں کیا گیا اس رقبہ کی مالیت 6 ارب 68 کروڑ 60 لاکھ روپے ہے- اس موقع پر ڈپٹی کمشنر نے بتایا کہ رہ جانے والا 10 مربع رقبہ بھی بہت جلد واگزار کرالیا جائے گا
انہوں نے کہا کہ ضلعی انتظامیہ ناجائز . قابضین سے سرکاری رقبہ کا ایک ایک انچ واگزار کرئے گی واگزار کرایا گیا رقبہ بحق سرکار ضبط کرلیا گیا ہے- ڈپٹی کمشنر نے مزید کہا ہے کہ ناجائز قابضین سرکاری رقبہ از خود چھوڑ دیں بصورت دیگر انتظامیہ حرکت میں آئیگی-