محکمہ صحت بلوچستان نے تمام ہسپتالوں کو محرم الحرام کے حوالے سے الرٹ جاری کر دیا ہے۔ محکمہ صحت کی جانب سے تمام ہسپتالوں کو خصوصی مراسلہ بھجوایا گیا ہے۔ مراسلے میں کہا گیا ہے کہ 9 اور 10 محرم کو صوبے کے تمام ہسپتال ہائی الرٹ پر رہیں گے۔ تمام ڈاکٹرز، نرسز، فارماسسٹ، پیرامیڈیکل سٹاف اور دیگر عملہ محرم الحرام کے دوران ڈیوٹی پر رہیں گے اور تمام چھٹیاں کینسل کردی گئی ہیں۔ تمام ہسپتالوں کے سربراہان کو ہدایات دی گئی ہیں کہ ادویات اور آلات کی اضافی طلب کیلئے ایم۔ایس۔ڈی سے رابطہ کیا جائے.