آئینی ترامیم عوامی اور ملکی مفاد میں ہوں گی تو خیر مقدم کریں گے،خالد مسعود سندھو

مرکزی مسلم لیگ کے صدر خالد مسعود سندھو نے 27 ویں آئینی ترمیم کی بازگشت پر ردعمل میں کہا ہے کہ آئینی ترامیم اگر عوامی مفاد اور ملکی اداروں کی بہتری کے لئے کی جا رہی ہیں تو ان کا خیر مقدم کیا جانا چاہئے، لیکن اگر ان ترامیم کا مقصد کسی خاص طبقے یا سیاسی مفادات کا تحفظ ہے تو تمام سیاسی جماعتوں کو متحد ہو کر انہیں مسترد کر دینا چاہئے۔

خالد مسعود سندھو کا کہنا تھا کہ آئین میں تبدیلی قومی معاملہ ہے، اس کے ذریعے ذاتی یا وقتی سیاسی فائدے حاصل کرنے کی کوششوں سے جمہوریت کو نقصان پہنچ سکتا ہے،27 ویں آئینی ترمیم کے حوالہ سے حکومت کو اپوزیشن اور تمام اسٹیک ہولڈرز کو اعتماد میں لینا چاہئے تاکہ کسی بھی ترمیم کا مقصد صرف اور صرف عوامی بھلائی اور اداروں کی مضبوطی ہو،مرکزی مسلم لیگ عوامی مفاد اور آئین کی بالادستی کے لئے ہر فورم پر اپنی آواز بلند کرے گی،مفادات کی سیاست کا خاتمہ ضروری ہے،عوام کی خدمت اور خدمت کی سیاست ہونی چاہئے،سیاسی جماعتوں کو ملکی مفادات کو سامنے رکھتے ہوئے فیصلےکرنے چاہئے.