اغواء ہونے والا معزور شخص بازیاب کروا لیا گیا

وہاڑی پولیس نے 16 سال قبل گھر سے اغواء ہونے والے معذور شخص کو ہیومن انٹیلیجنس کی مدد سے حجرہ شاہ مقیم سے ڈھونڈ کر ورثاء کے حوالے کر دیا ہے.

بوریوالا میں وہاڑی پولیس نے 16 سال قبل گھر سے اغواء ہونے والے معذور شخص کو ہیومن انٹیلیجنس کی مدد سے حجرہ شاہ مقیم سے ڈھونڈ کر وارثان کے حوالے کر دیا ہے، ملزمان نے 16 سال قبل چک نمبر 515 ای بی میں گھر کے باہر موجود معذور شخص سلیم مسیح کو اغواء کیا تھا، حنیفاں بی بی کے حوالے کر دیا جو کہ اس کی معذوری کا فائدہ اٹھا کر اس سے بھیک منگوانے کا کام لیتی تھی اور کمائی ہوئی رقم خود لے لیتی تھی، ورثاء نے پولیس کو اطلاع دی تو ایس ایچ او تھانہ صدر بوریوالا محمد طفیل گجر اور سب انسپکٹر قاسم خان نے ٹیم کے ہمراہ ہیومن انٹیلیجنس کی مدد سے سلیم مسیح کو ڈھونڈ کر ورثاء کے حوالے کر دیا ہے، جبکہ ملزمہ حنیفاں بی بی کو بھی گرفتار کر لیا گیا ہے، پولیس کی اس زبردست کاروائی پر شہریوں نے پولیس کو خراج تحسین پیش کیا ہے، جبکہ ورثاء نے پولیس کو ڈھیروں دعائیں دیں ہیں.

طیب اشرف
نمائندہ باغی ٹی وی لڈن
تحصیل وہاڑی ضلع وہاڑی