اداکار اظفر رحمن کی سالگرہ پر مہوش حیات کا محبت بھرا پیغام

پاکستان شونز انڈسٹری کی معروف اداکارہ مہوش حیات نے اپنے دوست نامور اداکار اظفررحمن کو سالگرہ کی مباکباد دیتے ہوئے کہا کہ وہ ان کے ساتھ دوستی کے دس سال مکمل ہونے اور ان کی سالگرہ کا جشن منانے کے لئے بے تاب ہیں-

باغی ٹی وی : سماجی رابطے کی ویب سائٹ انسٹا گرام پر اداکارہ مہوش حیات نے اپنے اور اظفر کی ایک ساتھ لی گئی خوبصورت تصویر شئیر کرتے ہوئے سالگرہ کی مبارکباد دی-

اداکارہ نے تصویر شئیر کرتے ہوئے پوسٹ میں لکھا کہ مجھے افسوس ہو رہا ہے کہ میں اس سال آپ کے ساتھ مل کر آپ کی سالگرہ نہیں منا سکتی-
https://www.instagram.com/p/CBJaWgoHwdv/?igshid=wj4bqi39t2mu
مہوش حیات نے کہا کہ مجھے یقین نہیں ہو رہا کہ ہماری دوستی کو ایک دہائی کا عرصہ بیت گیا ہے ماشاءاللہ- اورآپ کے ساتھ میرا یہ سفر انتہائی خوش کن رہا ہے-

تمغہ امتیاز حاصل کرنے والی اداکارہ نے لکھا کہ آپ کے وجود کی مثبت انرجی سے دنیا کی روشنیوں اور رنگینیوں میں اضافہ ہوا ہےمیں آپ کی جانب سے سال بھر دی جانی والی بھرپور حمایت، مشوروں اور تفریح کی مشکور ہوں-

مہوش حیات نے اظفر کے آنے والے سال کیلئے نیک خواہشات کا اظہار کرتے ہوئے کہا کہ میں آپ کی سالگرہ کی خوشی کا جشن منانے کے لئے بے تاب ہوں جلد ہی آپ کے ساتھ آپکی سالگرہ مناؤں گی-

مہوش حیات کی اس پوسٹ کے جواب میں رد عمل دیتے ہوئے اظفررحمن نے کہا کہ دس سال جان من یہ دوستی ہم نہیں چھوڑیں گے، توڑیں گے دم مگر تیرا ساتھ نہ چھوڑیں گے-

اداکار نے مہوش حیات کے لئے نیک خواہشات کا اظہار کرتے ہوئے کہا کہ اللہ آپ پر ہمیشہ اپنا کرم رکھے اور مہوش حیات کا ساتھ دینے کے لئے شکریہ ادا بھی کیا-

ہم سب کو زندگی میں زوار جیسے دوست کی ضرورت ہے ، زوار کی لازوال قربانی کی کہانی