بھیرہ ٹائیگر فورس سٹیرنگ کمیٹی کے رکن چوہدری خالد محمود ارائیں جنرل سیکرٹری پاکستان تحریک انصاف تحصیل بھیرہ نے کہا ہے کہ پی پی 72 کے عوام کو بہترین تعلیمی سہولیات کی فراہمی کے لیے حکومت پنجاب نے تحصیل بھیرہ کے 6 لڑکیوں اور 5 لڑکوں کے ایلیمنٹری مدارس کو ہائی کا درجہ دے دیا ہے۔علاقہ کے عوام اس سلسلہ میں کی جانے والی کوششوں پر چوہدری ندیم افضل چن اور حسن انعام پراچہ کے شکرگزار ہیں۔ ہائی سکول کا درجہ ملنے پر ان دیہات کے بچے اور بچیوں کو گھر کی دہلیز پر اعلی تعلیمی سہولیات میسر آئیں گی۔جن مڈل مدارس کو ہائی کا درجہ دیا گیا ہے ان میں لڑکوں کے کلس شریف،بھیرہ، علی پور سیداں، کوہلیاں، چاوہ اور لڑکیوں کے ودھن، کلیان پور بالا، بولا زریں،سردار پور نون،رکھ چراگاہ اور دھوری کے مڈل مدارس شامل ہیں