بھیرہ ڈسٹرکٹ اینڈ سیشن جج سرگودھا نے موسم گرما کی تعطیلات کے دوران سینئر سول جج سرگودھا کی مشاورت سے عدالت ہائے دیوانی بھیرہ میں ڈیوٹی جج تعینات کرنے کا فیصلہ کیا ہے۔ تحصیل بار بھیرہ کے صدر نصیر احمد ثاقب بھٹی ایڈووکیٹ،جنرل سیکرٹری رانا محمود ناصر عزیز ایڈووکیٹ، محمد علی حسنین ایڈووکیٹ و دیگر وکلاء نے ڈیوٹی ججز کے تقرر پر ڈسٹرکٹ جوڈیشری کا شکریہ ادا کرتے ہوئے کہا ہے کہ اس سے تحصیل بھیرہ کی عوام کو بھلوال جانے کی بجائے انصاف کی سہولت گھر کی دہلیز پر ہی میسر رہے گی۔