بھیرہ ہلال احمر ہسپتال بھیرہ کی بندش سے شہری طبی سہولیات سے محروم ہو گئے ہیں

بھیرہ ہلال احمر ہسپتال بھیرہ کی بندش سے شہری طبی سہولیات سے محروم ہو گئے ہیں۔ سماجی رہنماؤں محمدالیاس،شاہد محمود،محمد عمر، منور حسین، محمد بلال، تنویر احمد اور محمدشریف نے کہا ہے سول ڈسپنسری کی بندش کے بعد شہری مریض ہلال احمر ہسپتال سے فائدہ اٹھا رہے تھے اور تحصیل ہیڈ کوارٹر ہسپتال پر مریضوں کا دباؤ کسی حد تک کام تھا مگر ہلال احمر سرگودھا کی انتظامیہ نے بھیرہ میں اچانک اپنا ہسپتال بند کر دیا ہے۔سماجی رہنماؤں نے ڈپٹی کمشنر سرگودھا سے مطالبہ کیا ہے کہ ہسپتال کی بندش کا فیصلہ واپس لیا جائے۔