بحرین میں دہشت گردی کے الزام میں مجرم ٹھہرائے جانےپر ایرانی سپریم لیڈر علی خامنائی کے بیان کو مشرق وسطی میں سنجیدگی سے لیا جارہا ہے.
تفصیلات کے مطابق .ایران کے سپریم لیڈر علی خامنہ ای نے بحرین کے خلاف اپنی ٹویٹ میں کہا ہے کہ بحرینی عوام حکومت کے اس قدام کے خلاف اٹھ کھڑے ہوں.
خامنہ ای کا یہ موقف بحرین میں دہشت گردی کے حوالے سے مجرم ٹھہرائے جانے والے افراد کی سزائے موت پر رواں ہفتے عمل درامد کیے جانے کے بعد سامنے آیا ہے۔
خامنہ ای نے مذکورہ افراد کو موت کے گھاٹ اتارے جانے کے بعد بدھ کے روز احتجاج پر اکساتے ہوئے اپنی ٹویٹ میں کہا کہ "بحرین میں عوام کے ارادے کو فتح حاصل ہو گی”۔
بحرین کی جانب سے یہ الزام عائد کیا جاتا ہے کہ ایران بحرینی عوام میں شدت پسندی کا شعلہ بھڑکا رہا ہے۔