بھارتی لوک سبھا میں طلاق ثلاثہ بل آج پیش ہوگا

بھارتی لوک سبھا میں آج جمعرات کو طلاق ثلاثہ بل پیش کیا جائے گا۔قبل ازیں 21 جون کو اس بل کا مسودہ پیش کیا گیا تھا، جس کی اپوزیشن جماعتوں نے شدید مخالفت کی تھی۔ بی جے پی اور کانگریس نے اپنے اراکین پارلیمنٹ کو اپنی حاضری یقینی بنانے کا کہا ہے۔
30روپے مانگنے پر بیوی کو طلاق

حکومت نے دعوی کیا ہے کہ نہ صرف طلاق ثلاثہ بل مسلم خواتین کومساوی حقوق فراہم کرے گا بلکہ انصاف کو یقینی بنائے گا۔ یہ بل شادی شدہ خواتین کے حقوق کی حفاظت میں مدد کرے گا اوران کے شوہروں کو ‘طلاق بدعت’ دینے سے روکے گا۔

تین طلاق بل کے مطابق تین طلاق کی روایت کو ختم اورغیرقانونی اعلان کیا گیا ہے۔ علاوہ ازیں مرد کو تین سال کی قید کی سزا اورجرمانے کے ساتھ مجرمانہ جرم تسلیم کیا گیا ہے۔تین طلاق بل میں اس شادی شدہ خاتون اوران کے بچوں کوالاﺅنس دینے کی سہولت ہے۔