چیئرمین سینٹ نے کشمیریوں سے اظہار یکجہتی کے لیے بڑا قدام اٹھا لیا. متحدہ عرب امارات کی جانب سے بھارتی وزیراعظم نریندر کو اعلیٰ ترین سول ایوارڈ دیئے جانے پر چیئرمین سینیٹ صادق سنجرانی نےمتحدہ عرب امارات کا دورہ منسوخ کر دیا۔
چیئرمین سینیٹ صادق سنجرانی کو پارلیمانی وفد کے ہمراہ چار روزہ سرکاری دورے پر گزشتہ شب یو اے ای کے لیے روانہ ہونا تھا لیکن یو اے ای کی حکومت کی جانب سے بھارتی وزیراعظم کو اعلیٰ ترین سول ایوارڈ دیئے کے بعد یہ دورہ منسوخ کر دیا گیا ہے۔
اپنے دورے کی منسوخی کی وجہ بتاتےہوئے چیئرمین سینٹ صادق سنجرانی نے کہا کہ ان حالات میں متحدہ عرب امارات کا مودی کو اپنے ملک کا سب سےبڑا اعزاز دینا مسلمانوں اور خصوصا کشسمیریوں کی دل آزاری کے مترادف ہے.