Baaghi TV

کورونا وائرس کے حوالے سے شنیرا اکرم کا پیغام

Written by

عائشہ ذوالفقار

in

پاکستان سمیت دنیا بھر میں بڑھتے ہوئے کورونا وائرس کے پیش نظر معروف شخصیات سوشل میڈیا کے ذریعے مداحوں کو حفاظتی تدابیر اختیار کرنے کا پیغام دے رہی ہیں

اسی حوالے سے سابق پاکستانی کرکٹر وسیم اکرم کی اہلیہ شنیرا اکرم نے بھی ملک کے حالیہ حالات کے پیش نظر اپنے پیغام میں کہا ہے کہ تمام لوگ حفاظتی تدابیر اختیار کریں اور کہا کہ کورونا وائرس کی وجہ سے کاروبار کی بندش کے پیش نظر گھروں کے مالکان کو چاہیے کہ اپنے کرایہ داروں سے نرمی کا رویہ اختیار کریں

باغی ٹی وی : سماجی رابطے کی ویب سائٹ ٹویٹر پر شنیرا اکرم نے اپنی ایک ٹویٹ میں لکھا کہ کورونا وائرس کی وجہ سے پاکستان بھر میں کیفے، ریسٹوران، دکانیں ، جیمز، اسکول اور پارکس بند ہوگئے ہیں اِس مشکل وقت میں بلڈنگ اور فلیٹس کے مالکان کو چاہیے کہ وہ اپنے کرایہ داروں سے کرایہ لینے میں نرم رویہ اپنائیں تاکہ چھوٹے کاروبار والے لوگوں کو مشکلات درپیش نہ آئیں


شنیرا اکرم میں اپنی ایک اور ٹویٹ میں لکھا کہ ایک دوسرے سے فاصلہ محدود کر کے سماجی سرگرمیوں کو کم کر کے اور ہاتھوں اور خود کو صاف رکھ کر ہی خود کو اور دوسروں کو اس جان لیوا وائرس سے محفوظ رکھ سکتے ہیں


ایک ٹویٹ میں سابق پاکستانی کرکٹر کی اہلیہ نے ایک استعما ل شُدہ ٹشو پیپر کی تصویر شئیر کی جس سے انہوں نے اپنا موبائل فون صاف کیا اورلکھا کہ اگر ہمیں چراثیم سے پاک رہنا ہے تو اس میں صرف ہاتھوں کو صاف رکھنا ضروری نہیں ہے


شنیرا اکرم نےاپنے ٹوئٹ میں صارفین سے سوال کرتے ہوئے لکھا کہ کیا آپ کو معلوم ہے کہ ہم کتنی بار اپنے موبائل کو ہاتھ لگاتے ہیں اور پھر وہ ہی ہاتھ اپنے چہرے پر بھی لگاتے ہیں؟

انہوں نے لکھا کہ میں نے ابھی اپنے موبائل فون اور چارجر کو صاف کیا ہے ساتھ ہی لکھا جب تک آپ یہ خود نہ کرلیں تب تک مجھ پر کوئی تبصرہ نہیں کریں

واضح رہے کہ پاکستان میں مجموعی طور پر خطرناک کورونا وائرس سے متاثرہ افراد کی تعداد 244 ہوگئی

شنیرا اکرم کا پاکستانیوں کی بھابھی بننے پر خوشی کا اظہار

More posts