ڈاکٹرعامرلیاقت نےپھر استعفیٰ دے دیا

کراچی:ڈاکٹرعامرلیاقت نے استعفیٰ دے دیا،اطلاعات کے مطابق پاکستان تحریک انصاف کراچی کے قومی اسمبلی ڈاکٹرعامرلیاقت نے قومی اسمبلی کی رکنیت سے استعفیٰ دے دیا ہے اوراس حوالے سے ان کا کہنا ہےکہ انہوں نے استعفیٰ اسپیکرکوبھیج دیا ہے

اس حوالے سے سماجی رابطے کی ویب سائٹ ٹویٹر پراپنے پیغام میں کہا ہےکہ وہ قومی اسمبلی کی رکنیت سے مستعفیٰ ہورہےہیں ساتھ ہی انہوں نے وزیراعظم عمران خان اورپارٹی کے لیے نیک خواہشات کا بھی اظہارکیا ہے

قومی اسمبلی سے استعفی ارسال کردیا ہے اللہ تعالی عمران خان اور پی ٹی آئی کا حامی و نا صر ہو ۔ اللہ حافظ

— Aamir Liaquat Husain (@AamirLiaquat) October 3, 2021

یاد رہے کہ اس سے پہلے بھی وہ استعفیٰ دے چکے ہیں لیکن اس وقت وزیراعظم نے استعفیٰ منظور نہیں کیا تھا اوراب بھی امکان ہےکہ وہ اسعتفیٰ منظور نہیں کریں گے

خیال رہے کہ ڈاکٹر عامر لیاقت نے اس سے قبل جنوری 2020 میں بھی اسمبلی کی رکنیت سے مستعفی ہونے کا عندیہ دیا تھا۔

انہوں نے کہا تھا کہ مسائل کے حل کے لیے کہاں جائیں؟، میں کھل کر بتانا چاہتا ہوں کوئی وفاقی وزیر قومی اسمبلی کے رکن کے فون تک کا جواب نہیں دیتا۔ حالات یہی رہے تو کم از کم میں اپنی نشست سے استعفی دینے میں ذرا بھی دیر نہیں کروں گا۔