پاکستان شوبز انڈسٹری کے معروف عالمی شہرت یافتہ اداکار اور ماڈل عمران عباس کا کہنا ہے کہ سنا ہے ارطغرل غازی بہترین ڈاراموں میں سے ایک ہے
باغی ٹی وی :پاکستان کے معروف اداکارعمران عباس سے سماجی رابطے کی ویب سائٹ انسٹا گرام پر مداحوں کی جانب سے کئی دلچسپ سوالات پوچھے گئے جن کے اداکار نے دلسچپ جواب دیئے جس میں سے معروف ترکش ڈرامہ سیریل ارطغرل غازی سے متعلق سوال پوچھا گیا کہ کیا آپ بھی یہ ڈرامہ دیکھ رہے ہیں ؟
مداح کی جانب سے پوچھے گئے سوال پر عمران عباس نے انکار کرتے ہوئے کہا کہ میں ارطغرل غازی نہیں دیکھتا بلکہ کتابیں پڑھنے کو ترجیح دیتا ہوں ان کتابوں میں مذہبی تاریخی کتابیں بھی شامل ہیں۔
عمران عباس نے تُرک ڈرامے ارطغرل کے متعلق یہ بھی کہا کہ میں نے سنا ہے کہ ڈرامہ ارطغرل غازی بہترین ڈراموں میں سے ایک ہے۔
ایک اور مداح نے پو چھا کہ کیا آپ تُرکش ڈرامے دیکھتے ہیں اداکار نے کہا کہ میں ڈرامے نہیں دیکھتا وہ پاکستانی ہو یا ترکی-
ایک مداح نے پوچھا آپ کون سا فیس واش استعمال کرتے ہیں ہمیں بھی بتا دیں جس پر اداکار نے مزاحیہ جواب دیتے ہوئے کیا لاڈو مارکہ صابن-
دنیا میں سب سے زیادہ آپ کے نزدیک سب سے خوبصورت چیز کو نسی ہے جس پر اداکار نے کہا ماں اور ماں کا پیار-
ایک مداح کے سوال میں اداکار نے کہا یہ سندھی ،پنجابی،مہاجر،پٹھان ،بلوچی،سے نکل آؤ ہم سب پاکستانی ہیں اور یہ ہمارا سب سے بڑا فخر ہے-
