فیصل آباد:ڈولفن پولیس فیصل آباد بھی کسی سے کم نہیں ! 2019 کا اعمال نامہ جاری کردیا گیا ،اطلاعات کےمطابق لاہورکی طرح فیصل آباد نے بھی ڈولفن پولیس فیصل آباد کی گزشتہ ایک سال کی کارکردگی کی رپورٹ پیش کردی ، اس رپورٹ میں ڈولفن پولیس کی کارکردگی کا جائزہ پیش کیا گیا ہے
باغی ٹی وی کےمطابق ترجمان ڈولفن پولیس فیصل آباد کی طرف سے رپورٹ جاری کرتے ہوئے بتایا گیا ہےکہ ڈولفن پولیس نے گزشتہ ایک سال میں 365 اشتہاری گرفتار کیے، ڈولفن پولیس نے سال 2019 میں 7808 افراد کو کمیونٹی پالیسنگ کے تحت مدد فراہم کی گئی
76 گمشدہ بچوں اور اشخاص کو اپنے پیاروں سے ملواکردعائیں لیں اور محکمے سے شاباش بھی ملی
ذرائع کےمطابق سال 2019 میں ڈولفن پولیس نے ون ویلنگ کرنے والے 302 منچلوں کو تھانہ کے حوالے کیا گیا،یہ بھی معلوم ہوا ہےکہ ڈولفن پولیس نے پچھلے سال 36 چوری کی گاڑیاں برآمد کرکے مالکان کے حوالے کی گئیں جبکہ ایکسیڈنٹ میں مضروب 716 افراد کو فرسٹ ایڈ مہیا کی گئی
ذرائع کےمطابق ڈولفن پولیس نے پچھلے سال ناجائز اسلحہ رکھنے والے 317 افراد کے خلاف کارروائی کی گئی، اس دوران 195 ڈاکووں کو گرفتار کرکے پابند سلاسل کروایا گیا، فیصل آباد ڈولفن پولیس نے 244 ملزمان سے منشیات برآمد کرکے مقدمات کا اندراج کروایا
شہریوں کے تحفظ کو ہرصورت یقینی بنایا جائے گا