ایف بی آر نے دیا شناختی کارڈ کی شرط میں کمی کا عندیہ

حکومت نے شناختی کارڈ کی شرط میں نرمی کا عندیہ دے دیا۔ شبر زیدی نے کہا کہ شناختی کارڈ کی شرط پر نرمی برتی جائے گی۔
چیئرمین ایف بی آر شبر زیدی نے کہا ہے کہ شناختی کارڈ کی شرط سے کاروبار متاثر ہو رہے ہیں، کاروبار متاثر ہوں گے تو ٹیکس کی سکت نہیں رہے گی، شناختی کارڈ کے مطالبے پر دو راستے ہیں، شناختی کارڈ یا تو ختم کر دیں یا کوئی درمیانہ راستہ نکالیں۔
واضح‌ رہے کہ اس سے پہلے حکومت شناختی کارڈ کی شرط پر سختی سے کاربند تھی جس وجہ سے تجارتی سرگرمیاں متاثر ہو رہی تھیں.
مشیر تجارت نے تاجروں کے لیے اہم بات کہہ دی
اس سے پہلے تاجر اور ایف بی آر کی درجن سے زائد ملاقاتیں ہو چکی ہیںِ، تاجر کہتے ہیں 50 ہزار سے زائد کی خریداری پر شناختی کارڈ کی شرط ختم اور ٹیکسوں میں کمی کی جائے جبکہ ایف بی آر نے شناختی کارڈ کی شرط ختم کرنے سے صاف انکار کردیا۔