فرقہ واریت کے خاتمے کیلیے سیر ت النبی سے رجوع کرنا چاہئے،سیف اللہ قصوری

گورنمنٹ جامعہ الدعوۃ الاسلامیہ مریدکے میں تقریب صحیح بخاری،حافظ طلحہ سعید،محمد یعقوب شیخ و دیگر کا خطاب
ڈائریکٹر، ڈائریکٹوریٹ آف ریلیجیس ایجوکیشن پنجاب ،ایڈیشنل ڈپٹی کمشنر شیخوپورہ ، چیف ایگزیکٹو آفیسر ایجوکیشن کی شرکت

گورنمنٹ جامعہ الدعوۃ الاسلامیہ مریدکے کے زیرِ اہتمام تقریبِ صحیح بخاری سے جید علما کرام،مرکزی مسلم لیگ کے رہنماؤں نے خطاب کرتے ہوئے کہا ہے کہ امام بخاری رحمہ اللہ کے علمی ورثے کو دنیا بھر میں عام کریں گے اور اپنے طلباء کو جدید دور کے چیلنجز کے لیے تیار کریں گے،وطن عزیز پاکستان کو سیاسی و مذہبی فرقہ واریت سے نکالنے کا ذریعہ رسول اللہ کی سیرت کی تعلیمات کی طرف رجوع ہے، آج امت کو سب سے زیادہ ضرورت ایسے علماء اور مشائخ کی ہے جن کی زندگی تقویٰ، علم و حکمت، امانت و دیانت اور اعلیٰ اخلاق و کردار کی عملی تصویر ہو،دینی مدارس وطن عزیز پاکستان کے محافظ ہیں،

ان خیالات کا اظہار سیکرٹری جنرل مرکزی مسلم لیگ پروفیسر سیف اللہ قصوری ،نائب صدر مرکزی مسلم لیگ پروفیسر طلحہ سعید ،حافظ عبد الرؤف ،ڈائریکٹر، ڈائریکٹوریٹ آف ریلیجیس ایجوکیشن پنجاب محبوب احمد،ایڈیشنل ڈپٹی کمشنر شیخوپورہ میاں نذیر احمد ، چیف ایگزیکٹو آفیسر ایجوکیشن شیخوپورہ رانا نعیم عباس،اسسٹنٹ کمشنر مریدکے توصیف بھٹی،جوائنٹ سیکرٹری مرکزی مسلم لیگ محمد یعقوب شیخ ،مدیر گورنمنٹ جامعہ الدعوۃ الاسلامیہ مفتی عبدالرحمن عابد،ڈائریکٹر الایمان ایجوکیشن کمپلیکس مفتی یوسف طیبی،سرپرست اعلیٰ بورڈ آف اسلامک ایجوکیشن مفتی عبداللطیف،ناظم اعلیٰ بورڈ آف اسلامک ایجوکیشن مفتی احسان الحق شہبازو دیگر نے تقریب صحیح بخاری سے خطاب کرتے ہوئے کیا. تقریب میں علماء کرام، جامعہ کے اساتذہ ،طلبہ کی کثیر تعداد شریک ہوئی،تقریب سے خطاب کرتے ہوئے سیف اللہ قصوری کا کہنا تھا کہ جامعہ الدعوۃ الاسلامیہ کا آغاز کرنے والے حافظ عبدالسلام بن محمد پر اللہ اپنی رحمت فرمائے اور انہیں انبیاء، صدیقین، شہداء اور صالحین کے ساتھ اکٹھا کرے۔یہ جامعہ دین کی خدمت، تربیت اور تعلیم کا کارواں ہے، جو ہمیشہ آگے بڑھتا رہے گا۔ حافظ طلحہ سعید کا کہنا تھا کہ شدت پسندی کی بجائے ہمیں امام بخاری رحمہ اللہ کے طرز عمل کو اپنانا ہوگا، جو اعتدال، تحقیق اور علم کی روشنی سے بھرپور ہے۔ تمام مکاتب فکر میں صحیح بخاری کو جو مقام حاصل ہے اس کی روشنی میں ہمیں امت مسلمہ کی فکری رہنمائی کرنی چاہیے،حافظ عبد الرؤف ، محمد یعقوب شیخ ، مفتی عبدالرحمن عابد،مفتی یوسف طیبی، مفتی عبداللطیف، مفتی احسان الحق شہبازو دیگر کا کہنا تھاکہ ہم ایک ایسے دور سے گزر رہے ہیں جہاں فتنوں نے فرد اور معاشرے دونوں کو اپنی لپیٹ میں لے رکھا ہے، یہ فتنے ایمان و عمل کو کمزور کرتے اور معاشرے میں فساد و انتشار پیدا کرتے ہیں،اخلاقی سطح پر بے حیائی، فحاشی اور عریانی کو عام کیا جا رہا ہے، جس سے خاندانی نظام تباہی کی طرف جا رہا ہے،سیاسی سطح پر فتنہ انگیزی، بغاوت اور تکفیر امت کو مزید تقسیم کر رہی ہے ، اگر ہم ان فتنوں سے بچنا چاہتے ہیں تو ہمیں دین کے صحیح علم اور اس پر عمل کو اپنی زندگی کا حصہ بنانا ہوگا، سنتِ نبوی ﷺ سے مضبوط تعلق قائم کرنا ہوگا،