چیئرمین جوائنٹ چیفس آف اسٹاف کمیٹی جنرل ندیم رضا کی مصری صدر سمیت حکام سے ملاقاتیں
باغی ٹی وی کی رپورٹ کے مطابق چیئرمین جوائنٹ چیفس آف اسٹاف کمیٹی جنرل ندیم رضا نے مصر کا دورہ کیا
ڈی جی آئی ایس پی آر کے مطابق جنرل ندیم رضا کی مصری صدر جنرل عبدالفتاح السیسی سے ملاقات ہوئی ہے ملاقات میں فوجی تعاون، انسداد دہشت گردی، علاقائی سلامتی پر تبادلہ خیال کیا گیا مصری صدر کا ملاقات کے دوران گفتگو کرتے ہوئے کہنا تھا کہ پاکستان اور مصر میں برادرانہ تعلقات کو کلیدی اہمیت دیتے ہیں،
ڈی جی آئی ایس پی آر کے مطابق مصری صدر عبدالفتاح السیسی نے پاک افواج کے لیے اپنے احساسات کا اظہار کیا . جنرل ندیم رضا کا کہنا تھا کہ پاکستان مصر کے ساتھ دوطرفہ فوجی تعاون کو وسعت دینے کا خواہاں ہے،مصری صدر نے پاکستان آرمڈ فورسز کی پیشہ ورانہ مہارت کو سراہا اور دہشت گردی کے خلاف جنگ میں ان کی قربانیوں کا اعتراف کیا۔
https://twitter.com/BaaghiTV/status/1404689394871713794
چیئرمین جوائنٹ چیفس آف اسٹاف کمیٹی جنرل ندیم رضا نے مصری حکام سے الگ الگ ملاقاتیں بھی کیں انکی جنرل محمد احمد ذکی ، وزیر دفاع اور مصری مسلح افواج کے چیف کمانڈرسے بھی ملاقات ہوئی، چیئرمین جوائنٹ چیفس آف اسٹاف کمیٹی جنرل ندیم رضا نے دفاع اور سلامتی کے مذاکرات کے دوسرے دور کی قیادت کی۔ انہوں نے پرتشدد انتہا پسندی ، علاقائی استحکام ، رابطے اور اس سے آگے کے اثرات کا مقابلہ کرنے میں پاکستان کے مثبت کردار پر روشنی ڈالی۔ چیئرمین جوائنٹ چیفس آف اسٹاف کمیٹی جنرل ندیم رضا نے افغانستان میں امن و استحکام کے لئے پاکستان کی شراکت اور کوششوں کے حوالہ سے بھی آگاہ کیا
اس سے قبل وزارت دفاع پہنچنے پر ، چیئرمین جوائنٹ چیفس آف اسٹاف کمیٹی جنرل ندیم رضا کو مصری مسلح افواج کے دستے نے گارڈ آف آنر پیش کیا۔
چیئرمین جوائنٹ چیفس آف سٹاف کمیٹی جنرل ندیم رضا کودورہ اردن میں دیا گیا اعلیٰ ترین اعزاز