غلطی سے سرحد پار کرنے والا آزاد کشمیر کا شہری گرفتار

آزاد کشمیر سے غلطی سے سرحد پار کرنے والے شہری کو بھارتی فوج نے ٹنگڈار کرناہ علاقہ سے گرفتار کر لیا ہے.

باغی ٹی وی کی رپورٹ‌کے مطابق کشمیری میڈیا کا کہنا ہے کہ شبیر احمد ولد میر ولی نے غلطی سے سرحد پار کی جس پر اسے امروہی علاقہ سے 17 بہار رجمنٹ کے اہلکاروں نے حراست میں‌لے لیا. مقامی پولیس کا کہنا ہے کہ وہ اس واقعہ کی تحقیقات کر رہی ہے.

یاد رہے کہ غلطی سے سرحد پار کرنے کے واقعات اس سے قبل بھی دونوں‌ اطراف سے پیش آتے رہتے ہیں.