بھارت میں سیلاب نے تباہی مچا دی سینکڑوں ہلاک

بھارت کے مشرقی اور شمال مشرقی صوبوں میں حالیہ دنوں میں جاری شدید بارشوں کی وجہ سے سیلاب کے نتیجے میں ہلاکتوں کی تعداد دوسو تک پہنچ گئی ہے۔

بھارتی حکام حکام کا کہنا ہے کہ شدید بارشوں کے نتیجے میں اترپردیش میں 22 آسام میں50، بہار میں 128، میزورام میں 5، مغالایا میں ایک شخص ہلاک ہو گیا ہے۔

حکام کےمطابق بہار میں 4.6 ملین اورآسام میں 5.57 ملین افراد سیلاب سے متاثر ہوئے ہیں۔

سیلاب زدہ علاقوں میں امدادی کاموں کا سلسلہ جاری ہے۔