انشاءاللہ پاک انگلینڈ ٹی ٹوئنٹی ون سیریز جیتنے کی ہر ممکن کوشش کریں گے بابر اعظم

پاکستان کے قومی کرکٹر اور کپتان بابر اعظم کا کہنا ہے کہ ہم نے فیصلہ کیا تھا کہ ابتدائی چند گیندیں احتیاط سے کھیلیں گے-

باغی ٹی وی :پاک انگلینڈ ٹی ٹوئنٹی ون سیریز کے میچ میں محمد رضوان کے ساتھ پارٹنر شپ پر 150 رنز بنانے پر بابر اعظم نے کہا کہ اننگز کے آغاز میں محمد رضوان کے لیے مشکل ہوئی تو خود چارج لیا تاکہ پریشر نہ آئے،شروع میں ہر اوور میں دس یا آٹھ رنز بنانے کی حکمت عملی پر کاربند تھے-

بابر اعظم کا کہنا تھا کی شروع میں ڈیوڈ ویلے کو پچ سے مدد مل رہی تھی انشاءاللہ سیریز جیتنے کی ہر ممکن کوشش کریں گے-

قومی کرکٹر محمد رضوان کا کہنا تھا کہ ہم دونوں کی کامیابی میں سب سے اہم بات ہماری کریز پر مشاورت ہوتی ہے دوسرے اینڈ پر کھڑے ہوکر آپس میں مشاورت کرتے رہتے ہیں-

محمد رضوان نے کہا کہ میری رننگ بہتر بنانے میں بابر اعظم کا کردار اہم ہے میں تو کیرئیر کے آغاز میں بہت مرتبہ رن آؤٹ ہوا مگر کپتان کے ساتھ کریز پر رننگ شاندار رہتی ہے-

انہوں نے کہا کہ پارکنسن آیا تو کپتان نے سیدھے بیٹ سے کھیلنے کا مشورہ دیا اب ہمارا مومنٹم بن گیا ہے، سیریز جیت سکتے ہیں-