بھارتی قابض افواج کی جانب سے ایل او سی پر جنگ بندی معاہدے کی مسلسل خلاف ورزیاں کے حوالے سے پاکستان میں بھارتی ہائی کمیشن کے سینیئر سفارتکار مسٹر چیراکنگ ذیلیانگ کو آج دفتر خارجہ طلب کیا گیا. ترجمان دفتر خارجہ عائشہ فاروقی کے مطابق پاکستان نے بھارتی سینیئر سفارتکار کو ایل او سی پر سیز فائر معاہدے کی خلاف ورزی پر سخت احتجاج ریکارڈ کرایا.ترجمان دفتر خارجہ کا کہنا ہے کہ 4 مئی کو ایل او سی کے بگسر سیکٹر میں بھارتی فوج کی بلااشتعال فائرنگ سے 45 سالہ وحید،55 سالہ ناظمہ بی بی، 12 سالہ عقیل، 50 سالہ زرینہ بیگم اور 30 سالہ شاہین بیگم شدید زخمی ہوئیں. ترجمان کے مطابق رواں برس بھارت اب تک جنگ بندی کی 957 مرتبہ خلاف ورزیاں کر چکا ہے جب کہ بھارتی فورسز ایل او سی اور ورکنگ باونڈری پر مسلسل معصوم شہریوں کو نشانہ بنا رہی ہیں. جب کہ بھارت کی اشتعال انگزیزی خطے میں امن و سلامتی کے لیے خطرہ ہے.انہوں نے کہا کہ بھارت ایسی حرکتوں سے مقبوضہ کشمیر سے دنیا کی توجہ نہیں ہٹا سکتا. بھارت اقوام متحدہ سیکورٹی کونسل کی قراردادوں پر عمل درآمد یقینی بنائے.شہری آباد کو نشانہ بنانا 2003 کی جنگ بندی معاہدے کی خلاف ورزی ہے. نہتے شہریوں کو بے گناہ نشانہ بنانا بین الاقوامی قوانین کے بھی منافی ہے.جب کہ اقوام متحدہ کے مبصر گروپ کو ایل او سی کی معائنے کی اجازت دی جائے .