مرکزی مسلم لیگ کے صدر خالد مسعود سندھو نے کہا ہے کہ کشمیری آٹھ دہائیوں سے اقوام متحدہ کی قراردادوں کے مطابق حق خود ارادیت کے منتظر ہیں، 5 جنوری 1949 کویو این کمیشن برائے بھارت وپاکستان نے قرارداد منظورکی جس پر آج تک عمل نہ ہو سکا، کشمیریوں کو حق خود ارادیت کا حق دیا جائے جو ان کا بنیادی حق ہے، مرکزی مسلم لیگ اہل کشمیر کے ساتھ کھڑی ہے
خالد مسعود سندھوکا کہنا تھا کہ کشمیری عوام کو اقوام متحدہ کی قراردادوں کے مطابق حق خود ارادیت دینا عالمی برادری کی ذمہ داری ہے، کشمیری عوام گزشتہ کئی دہائیوں سے بنیادی انسانی حقوق کے لیے جدوجہد کر رہے ہیں لیکن انہیں قابض بھارت کی جانب سے مسلسل ریاستی جبر، ظلم وتشدد کا سامنا ہے،حکومت پاکستان کو چاہیے کہ وہ کشمیر میں جاری بھارتی ریاستی دہشت گردی کے خلاف بین الاقوامی سطح پر بھرپور انداز میں آواز بلند کرے، کشمیری پاکستان کو اپنا سب سے بڑا وکیل سمجھتے ہیں اور سبز ہلالی پرچم لہراتے ہیں،بھارت کی جانب سے مقبوضہ کشمیر میں جاری مظالم عالمی قوانین کی کھلی خلاف ورزی بلکہ خطے کے امن کے لیے بھی شدید خطرہ ہیں ، مرکزی مسلم لیگ کشمیری عوام کے ساتھ کھڑی ہے اور ان کی اخلاقی، سیاسی اور سفارتی حمایت جاری رکھے گی