پاکستان شوبز انڈسٹری کی سینئر اداکارہ اور اسکینڈل کوئین میرا کا کہنا ہے کہ میرے پیرو مرشد نے بتایا ہے کہ کچھ لوگ مجھ پر جادو کرارہے ہیں۔
باغی ٹی وی : اپنی گلابی انگلش اور اسکینڈل کوئین کے نام سے مشہور اداکارہ میرا نے خود پر انکشاف کیا ہے-اداکارہ کا کہنا ہے کہ میرے پیرو مرشد نے بتایا ہے کہ کچھ لوگ مجھ پر جادو کرارہے ہیں۔
انہوں نے کہا جو لوگ میرے دشمن ہیں اور میرے خلاف ہیں وہ میرے خلاف غلط خبریں پھیلانے میں کبھی پیچھے نہیں رہے-
اداکارہ نے کہا ہے کہ جب سے ان کے شو کے دوران فائرنگ ہوئی ہے وہ خوف کا شکار ہیں اور گھر سے نکل نہیں پا رہیں۔
یاد رہے کہ گزشتہ دنوں فیصل آباد میں اداکارہ میرا کے اسٹیج ڈرامے کے دوران سبینہ تھیٹر کے باہر نامعلوم موٹر سائیکل سوار فائرنگ کر کے فرار ہو گئے تھے فائرنگ کے نتیجے میں گاڑیوں کے شیشے ٹوٹ گئے تھے اور علاقے میں خوف و ہراس پھیل گیا تھا۔
جبکہ فائرنگ کے وقت اداکارہ میرا بھی اسٹیج پر موجود تھیں۔