مریم اورنگ زیب نے نوازشریف سے متعلق مقدمات میں وکیل اور قانونی حکمت عملی کی تبدیلی کی خبر کی سختی سے تردید کی ہے
تفصیلات کے مطابق : پاکستان مسلم لیگ (ن) نے ترجمان مریم اورنگزیب کی نوازشریف سے متعلق مقدمات میں وکیل اور قانونی حکمت عملی کی تبدیلی کی خبر کی سختی سے تردید کی ہے..پارٹی قائدین سے متعلق مقدمات سے متعلق کوئی خبر پارٹی ترجمان کی تصدیق کے بغیرشائع کرنا افسوسناک ہے.قانونی امور کی رازداری درخواست گزار اوراس کے وکیل کے درمیان ایک امانت تصور ہوتی ہے قانون اور عدالتی ضابطوں کے تحت قانونی حکمت عملی ذاتی نوعیت کا حق اور معاملہ ہوتا ہے
قانونی وعدالتی امور سے متعلق حکمت عملی کبھی میڈیا پر بیان نہیں کی جاتی. نوازشریف کے کیس اور وکیل سے متعلق خبر بے بنیاد، جھوٹ اور مفروضوں پر مبنی ہے، تردید کرتی ہوں
انہوں نے کہا کہ میڈیا ہاوسز سے گزارش ہے کہ پارٹی فیصلے کے مطابق پارٹی مقدمات سے متعلق خبر بلا تصدیق جاری نہ کی جائے ،.پارٹی ترجمان کی رائے یا تصدیق کے بغیر اس نوعیت کی کسی بھی خبر پر سوالیہ نشان رہے.