وزیر بلدیات سندھ سید ناصر حسین شاہ کی زیر صدارت سندھ سالڈ ویسٹ مینجمنٹ بورڈ کی اسٹیرنگ کمیٹی کا اعلیٰ سطحی اجلاس ہوا
سید ناصر حسین شاہ کی زیر صدارت اجلاس میں اہم فیصلے ،مختلف تجاویز کی منظوری دی گئی،وزیر بلدیات کی زیر صدارت اجلاس میں کراچی، حیدرآباد، میرپور خاص اور سکھر کے میئرزنے شرکت کی،سید ناصر حسین شاہ کی زیر صدارت اسٹیرنگ کمیٹی نے گزشتہ اجلاس کے منٹس کی منظوری دی ،وزیر بلدیات ناصر حسین شاہ کا کہنا تھا کہ اجلاس میں ریوائزڈ بجٹ کی منظوری کے حوالے سے دی گئی ہدایات کا جائزہ لیا گیا، وزیر بلدیات نے ماڈرن جی ٹی ایس کے حوالے سے سب کمیٹی بنانے کی ہدایت جاری کر دی ،ناصر شاہ نے ہدایت کی کہ صفائی ستھرائی کے لیے مربوط اور پائیدار نظام قائم کیا جائےصفائی ستھرائی کے نظام میں ادارے کی جانب سے اخراجات برداشت کرنے کی منصوبہ بندی کی جائے ، سندھ سالڈ ویسٹ کی اسٹیرنگ کمیٹی کے اجلاس میں کمرشل اور رہائشی ایریا میں واقع دکان و مکان کی صفائی کی مد میں فیس کے حوالے سے مختلف تجاویز پر غور کیا گیا، اجلاس میں سندھ سالڈ ویسٹ مینجمنٹ کی دفاتر دیگر مقامات پر منتقل کرنے کی منظوری دی گئی،
سید ناصر حسین شاہ کی زیر صدارت اجلاس میں کنٹریکٹ ملازمین کی تنخواہیں بڑھانے کی منظوری دی گئی ،ناصر شاہ کا کہنا تھا کہ سندھ سالڈ ویسٹ سے متعلقہ تمام نجی ادارے سندھ حکومت کی جانب سے مقررہ کم سے کم اجرت کی ادائیگی کو یقینی بنائے،عوام کو ریلیف دینے کے لیے سالڈ ویسٹ اپنے مانیٹرنگ نظام کو مزید بہتر بنائے ، اجلاس میں شریک میئرز نے صفائی ستھرائی اور عوام کو ریلیف دینے کے حوالے سے اپنی اپنی تجاویز پیش کیں۔