نئے بھارتی آرمی چیف کا پاکستان پر الزام لگانے کا نیا انداز
بھارتی آرمی چیف جنرل منوج موکنڈ نراوانے نے بدھ کے روز آرٹیکل 370 کی دفعات کے خاتمے کو تاریخی قدم قرار دیتے ہوئے کہا کہ اس اقدام سے "مغربی پڑوسی” کی پراکسی جنگ میں خلل پڑ گیا ہے ۔انہوں نے نام لئے بغیر پاکستان کو ٹارگٹ کیا۔ساوتھ ایشین وائر کے مطابق انہوں نے کہا کہ آرٹیکل 370 کو ختم کرنا ایک تاریخی اقدام ہے جس سے جموں وکشمیر کو قومی دھارے میں شامل کرنے میں مدد ملے گی ۔
ساوتھ ایشین وائر کے مطابق انہوں نے کیریپا پریڈ گروانڈ میں 72 ویں آرمی ڈے کی تقریب میں اپنے خطاب میں کہا ، مسلح افواج کی دہشت گردی کے خلاف رواداری صفر ہے۔انہوں نے کہا کہ ہمارے پاس دہشت گردی کرنے والوں کا مقابلہ کرنے کے لئے بہت اختیارات موجود ہیں اور ہم ان کو استعمال کرنے سے دریغ نہیں کریں گے۔جنرل ناراوانے نے زور دے کر کہاکہ ایسی صورت میں ہم اسی طرح کا جواب دیں گے۔