مرکزی مسلم لیگ کے صدر خالد مسعود سندھو نے کہا ہے کہ امریکہ اور ایران کے مابین جنگ رکوانے کے لئے پاکستان کے ثالثی کے کردار کو سراہتے ہیں،پاکستان کا بنیان مرصوص کی کامیابی کے بعد مشرق وسطیٰ میں قیام امن کے لئے کردار کا خیر مقدم کرتے ہیں،ایٹمی پاکستان نہ صرف خطے میں بلکہ دنیا بھر امن کا ضامن بنے گا
خالد مسعود سندھو کا کہنا تھا کہ کلمہ طیبہ کے نام پر حاصل کیا گیا ملک پاکستان آج دنیا کی نگاہوں کا مرکز بن چکا ہے،ایٹمی پاکستان آج مشرق وسطیٰ میں جنگ رکوانے کے لئے متحرک ہے، پاکستان کی کامیاب سفارتکاری سے مودی سرکار بوکھلاہٹ کا شکار ہے، گزشتہ برس مئی میں آپریشن بنیان مرصوص کی کامیابی اور بھارتی شکست کے بعد فاتح پاکستان کا کردار دنیا کے سامنے نکھر کر سامنے آیا، پاکستان کا دفاع ناقابل تسخیر ہے، پاکستان کی مسلح افواج نے نہ صرف بیرونی دشمن بلکہ اندرونی دشمنوں دہشتگردی کو بھی شکست دی، اب عالمی سطح پر امریکہ ایران جنگ رکوانے کی کوششیں قابل تحسین ہیں،