اسرائیلی فوج اور فلسطینی قیدیوں کے درمیان جاری مذاکرات کامیاب ہو گئے اور اسرائیل نے فلسطینی قیدیوں کی طرف سے جیلوں میں جیمرز ہٹانے اور دیگر مطالبات کو تسلیم کر لیا ہے۔
اسرائیلی جیلوں میں 100فلسطینی قیدیوں نے بھوک ہڑتال کردی
مرکز اطلاعات فلسطین کے مطابق فلسطینی قیدیوں کی 15 دن تک جاری رہنے والی بھوک ہڑتال کامیاب ہوگئی اور اسرائیلی فوج نے فلسطینی قیدیوں کے مطالبات تسلیم کر لیے ہیں۔
اسرائیلی حکام اور قیدیوں کے درمیان ہوئے معاہدے میں جیلوں میںجیمرز کو ختم کرنا اور آئندہ ہفتے سے ہر ہفتے 5 دن قیدیوںکو اپنے اہل خانہ سے رابطے کی سہولت کی فراہمی بھی شامل ہے۔ معاہدے کی دیگر شرائط میں غزہ کے قیدیوں کو جزیرہ نما النقب جیل منتقل کرنے اور قیدیوں پرعایدکردہ پابندیاں ختم کرنے کی شرائط بھی شامل ہیں۔
اسرائیلی عدالت سے سینئر فلسطینی وکیل کو ساڑھے تیرہ سال قید
اسرائیلی فوج نے کیا 55فلسطینیوں کو گرفتار
واضح رہے کہ ڈیڑھ سو کے قریب فلسطینی قیدیوں نے 15 دن قبل جیلوں میں لگے جیمرز ہٹانے سمیت کئی مطالبات کیے تھے۔ یہ جیمرز کینسر جیسے خطرناک امراض کا موجب بن رہے تھے۔