مرکزی مسلم لیگ کے ترجمان تابش قیوم نے کہا ہے کہ صحافیوں کا تحفظ حکومت کی ذمہ داری ہے، صحافیوں کو تحفظ ملے گا تو وہ احسن طریقے سے ذمہ داریاں سر انجام دے سکیں گے، مرکزی مسلم لیگ آزادی صحافت کے لئے پرعزم ہے، صحافیوں کے حقوق کے لئے ان کے شانہ بشانہ رہیں گے
صحافیوں کے خلاف جرائم کی روک تھام کے عالمی دن کے موقع پر سنٹرل میڈیا آفس میں منعقدہ اجلاس میں گفتگو کرتے ہوئے تابش قیوم کا کہنا تھاکہ پاکستان کے بہادر صحافیوں نے ہر دور میں مشکلات، دباؤ اور خطرات کے باوجود اپنے فرائض ایمانداری اور استقامت سے انجام دیے، مرکزی مسلم لیگ اس امر پر یقین رکھتی ہے کہ ایک آزاد، باوقار اور ذمہ دار صحافت ہی جمہوریت کی بنیاد ہے، صحافیوں کے تحفظ، اظہارِ رائے کی آزادی، اور پیشہ ورانہ آزادی کے لیے مؤثر اقدامات کئے جائیں، مرکزی مسلم لیگ آزادی صحافت کی جدوجہد میں اہل صحافت کے ساتھ کھڑی ہے،