یوم یکجہتی کشمیر،مرکزی مسلم لیگ کے لاہور،پشاور،کراچی سمیت تمام شہروں میں پروگرام

مرکزی مسلم لیگ کے زیرانتظام 5فروری کو لاہور ،کراچی،اسلام آباد، پشاور کی طرح ملک بھر میں یکجہتی کشمیر کنونشن،کانفرنسوں، جلسوں اور ریلیوں کا انعقادکیا گیا ،ملک بھر میں ہونے والی کشمیر کانفرنسوں،جلسوں، ریلیوں میں تمام مکاتب فکر اور شعبہ ہائے زندگی سے تعلق رکھنے والے لاکھوں افراد نے شرکت کی۔یوم یکجہتی کشمیر کے موقع پر کراچی سے پشاور تک بڑے پروگراموں کا انعقاد کیا گیا ،تقریبات میں انٹراپارٹی انتخابات میں کامیاب ہونے والے یونین کونسل امیدواروں سے حلف بھی لیا گیا.

لاہور میں مرکزی مسلم لیگ کا سب سے بڑاپروگرام ایوان اقبال میں ہوا،ہوا جس میں تمام شعبہ ہائے زندگی سے تعلق رکھنے والے ہزاروں افراد نے شرکت کی۔مرکزی صدر خالد مسعود سندھو ،انجینئر حارث ڈار،مزمل اقبال ہاشمی و دیگر نے خطاب کرتے ہوئے کہا کہ کشمیریوں کے ساتھ پاکستان کا رشتہ لا الہ الا اللہ کی بنیاد پر قائم ہے اور کشمیری ہم سے بڑھ کر پاکستانی ہیں۔ کشمیری عوام پاکستان سے محبت کی قیمت ظلم و جبر کی صورت میں ادا کر رہے ہیں۔مسلم یوتھ لیگ کی جانب سے مال روڈ لاہور پر یکجہتی کشمیر ریلی نکالی گئی، ملی رکشہ یونین کے زیر اہتمام مال روڈ پرریلی سےمرکزی مسلم لیگ پنجاب کے صدر محمد سرور چوہدری و دیگر نے خطاب کیا،مرکزی ترجمان تابش قیوم نے مقامی ہوٹل میں اپووا کے زیر اہتمام یکجہتی کشمیر کانفرنس سے خطاب کیا، یکجہتی کشمیر جلسوں اور کانفرنسوں کے دوران کشمیر ہمارا ہے ‘ سارے کا سارا ہے۔ کشمیریوں سے رشتہ کیا لاالہ الااللہ، کشمیر بنے گا پاکستان کے نعرے لگائے جاتے رہے۔شرکا نے بینرز و پلے کارڈز بھی اٹھا رکھے تھے اور کشمیریوں کی حمایت میں نعرے لگا رہے تھے،

اسلام آباد میں مرکزی مسلم لیگ کے زیر اہتمام زیروپوائنٹ سے پریس کلب تک یکجہتی کشمیر ریلی نکالی گئی جس میں ہزاروں افراد شریک ہوئے، فیصل آباد میں کشمیر ریلی سے مرکزی مسلم لیگ کے رہنما حمید الحسن و دیگر نے خطاب کیا،ملتان میں پریس کلب نواں چوک شہر میں ہونیوالی یکجہتی کشمیر ریلی سے ضلعی سیکرٹری جنرل رانا عبدالرحمان و دیگر نے خطاب کیا،راولپنڈی میں پریس کلب کے سامنے یکجہتی کشمیر پروگرام کا انعقاد کیا گیا، مرکزی مسلم لیگ ہاؤس کراچی میں یکجہتی کشمیر کانفرنس کا انعقاد کیا گیا، جس میں کشمیری عوام سے بھرپور اظہارِ یکجہتی کیا گیا۔ اس موقع پر انٹرا پارٹی الیکشن میں نو منتخب ہونے والے یوسی صدور سے عہدے کاحلف بھی لیاگیا۔ کانفرنس میں مرکزی مسلم لیگ کے قائدین، سیاسی و سماجی شخصیات اور کارکنان کی بڑی تعداد نے شرکت کی۔کانفرنس سے صدر مرکزی مسلم لیگ سندھ فیصل ندیم ،کل جماعتی حریت رہنما شاہین اقبال ،صدر مرکزی مسلم لیگ کراچی احمد ندیم اعوان و دیگر نے خطاب کرتےہوئے کہا کہ کشمیریوں کے ساتھ پاکستان کا رشتہ لا الہ الا اللہ کی بنیاد پر قائم ہے اور کشمیری ہم سے بڑھ کر پاکستانی ہیں۔ کشمیری عوام پاکستان سے محبت کی قیمت ظلم و جبر کی صورت میں ادا کر رہے ہیں۔ پشاور پریس کلب کے سامنے مرکزی مسلم لیگ کی ذیلی تنظیمات کے زیرِ اہتمام احتجاجی مظاہرہ کیا گیا، جس میں عوام نے بھرپور شرکت کی۔ مظاہرے کے بعد مقررین، معزز مہمانوں اور شرکاء نے یکجہتی کشمیر کے اظہار کے لیے سگنیچر وال پر دستخط کیے،مسلم ویمن لیگ حیدرآباد کی جانب سے اقصیٰ آڈیٹوریم میں کشمیری عوام سے اظہار ہمدردی و محبت کے لئے یکجہتی کشمیر کانفرنس کی گئی جس میں خواتین کی بڑی تعداد شریک ہوئی،ننکانہ صاحب میں یومِ یکجہتیٔ کشمیر کے موقع پر پاکستان مرکزی مسلم لیگ شعبہ خواتین کے زیر اہتمام یکجہتی کشمیر خواتین ریلی کا انعقاد کیا گیا۔ ریلی میں مختلف شعبہ ہائے زندگی سے تعلق رکھنے والی خواتین، اساتذہ اور طالبات کی بڑی تعداد نے شرکت کی۔مسلم ویمن لیگ لودھراں کے زیر اہتمام یکجہتی کشمیر سیمینار کا انعقاد کیا گیا،

مرکزی مسلم لیگ چنیوٹ کے زیر انتظام یکجہتی کشمیر ریلی میں تعلیمی اداروں کے طلبا نے بڑی تعداد میں شرکت کی،مرکزی مسلم لیگ لودھراں کی جانب سے کشمیریوں سے اظہار یکجہتی کیلئے جم خانہ کلب میں آل پارٹیز کانفرنس کا انعقاد ہوا جس میں مذہبی و سیاسی جماعتوں سول سوسائٹی کے رہنماؤں نے شرکت کی،مسلم سٹوڈنٹس لیک چونیاں قصور کی جانب سے چونیاں شہر میں کشمیر کی پکار کے موضوع پر یکجہتی کشمیر کیمپ کا انعقاد کیا گیا جس میں علاقے بھر سے نوجوانوں نے شرکت کی، ہارون آباد،بہاولنگر ، وہاڑی، خوشاب،رحیم یار خان ،منڈی بہاؤالدین،ساہیوال، خانپور،ٹنڈوالہیار ،پنڈی بھٹیاں، ایبٹ آباد،بہاولپور،چکوال،شیخوپورہ،پاکپتن،میاں چنوں، قمبر شہداد کوٹ،گوجرانوالہ ،نارووال ،چیچہ وطنی،سرگودھا ،حیدر آباد،قصور،گجرات ،میانوالی،ڈی جی خان ،جہلم ،لاڑکانہ،میر پور خاص، تلہ گنگ ،ڈسکہ،کامونکی،وزیرآباد،کھڈیاں خاص، گوجرخان، ہری پور، مانسہرہ، مردان ،سوات و دیگر شہروں میں بھی مرکزی مسلم لیگ کے زیر اہتمام کشمیر کانفرنسوں، جلسوں اورریلیوں کا انعقاد کیا گیا ۔

یوم یکجہتی کشمیر پر مرکزی مسلم لیگ کا اعلامیہ
مرکزی مسلم لیگ کے زیر اہتمام ملک بھر میں ہونے والی کشمیر کانفرنسوں، جلسوں اور سیمینارز کے دوران جاری کردہ اعلامیہ میں کہا گیا ہے کہ کشمیر تقسیم برصغیر کا نامکمل ایجنڈا ہے، بانی پاکستان محمد علی جناح نے کشمیر کو پاکستان کی شہہ رگ قرار دیا تھا یہ شہہ رگ بھارت کے پنجہ میں قید ہے،شہہ رگ پاکستان کو بھارت سے چھڑوانے کے اقدامات کئے جائیں.پاکستان اور بھارت کے درمیان ہونے والی جنگوں کی وجہ کشمیر ہے لیکن پانچ اگست 2019 کے بھارتی اقدامات کشمیر پر بھارت کے غیر قانونی قبضہ کو مستحکم کیا ہے جبکہ ریاست پاکستان کا کردار اس پر خاموش تماشائی کا رہا ہے،کشمیر کا مقدمہ پاکستان عالمی سطح پر اٹھائے، پاکستان نے ہمیشہ کشمیر کی وکالت کی ہے، یہ پاکستان کے پانیوں کا مسئلہ ہے اور پانی زندگی ہے،آزادی کشمیر کے بنا پاکستان کی تکمیل نہیں ہوتی،پاکستان سفارتی سطح پر متحرک ہو،دوست ممالک، عالمی اداروں،طاقتوں کے ساتھ ملکر کشمیر کا مقدمہ عالمی سطح پر لڑا جائے،کشمیر کمیٹی کو بھرپور فعال کیا جائے ،بھارت اپنے تمام تر جنگی وسائل اور قوت کشمیر میں جھونک دینے کے باوجود کشمیریوں کے دلوں سے جذبہ حریت کو کم نہیں کرسکا، کشمیری تحریک آزادی کے لیے آج بھی جانوں کے نذرانے پیش کر رہے ہیں،بھارت کی مسلح افواج اور ریاستی دہشت گردی نے کشمیر کو دنیا کی سب سے بڑی جیل بنا دیا ہے، بھارتی افواج کشمیر میں سنگین جنگی جرائم میں ملوث ہیں، اجتماعی قبریں اور کیمیائی ہتھیاروں کا استعمال اس کا منہ بولتا ثبوت ہے جبکہ اقوام عالم اس پر مجرمانہ خاموشی اختیار کیے ہوئے ہیں۔بھارت پاکستان کو کشمیر سے دست بردار کرنے لیے پاکستان میں ہر طرح کی دہشت گردی کروا رہا ہے،پاکستان نے کشمیر سے منہ موڑا تو آج بلوچستان کے حالات سب کے سامنے ہیں، بھارت نہ صرف پاکستان بلکہ دنیا بھر میں بھارت ٹارگٹ کلنگ اور دہشت گردی میں ملوث ہےکینیڈین حکومت اور امریکی اخبارات اس پر شاہد ہیں لہذا اقوام متحدہ بھارت کی اس غنڈہ گردی پر واضح اقدام اٹھائے اور بھارت کو دہشت گرد ریاست ڈکلیئر کیا جائے۔بھارت اس تمام تر دہشت گردی کے باجود کشمیر کی آزادی کی تحریک کو دبانے میں ناکام رہا ہے، تمام تر مظالم کے باوجود کوئی کشمیری پاکستان کے خلاف استعمال نہیں ہوا، کسی ایک بھی حریت لیڈر کو بھارت کی ظالم افواج نہیں توڑ سکیں ، کشمیری آج بھی پاکستانی جھنڈے میں دفن ہونا فخر سمجھتے ہیں بھارت اپنی اس ناکامی کو چھپانے کے لیے پاکستان میں دہشت گردی کروا رہا ہے۔عالمی دباؤکے تحت ہندوستان نے کشمیر کی جدوجہد آزادی کو دہشت گردی قرار دیا جس کے بعد کشمیر کی تحریک آزادی میں حصہ لینے والے کئی افراد کو دہشتگردقرار دیا گیا، ایک طرف بھارت نے کشمیر میں کشمیریوں پر مظالم ڈھائے اور ان کو جیلوں اور اذیتوں میں بند کیا اور عمر قید کی سزائیں سنائیں تو دوسری طرف پاکستان میں کشمیریوں کے پشتیبانوں کو پابند سلاسل کرکے تحریک آزادی کشمیر کا گلا گھونٹا ہے،ضرورت اس امر کی ہے کہ جدوجہد آزادی کی حمایت کرنے والے قائدین کو بیرونی دباؤ پر پابندسلاسل کرنے کی بجائے رہا کیا جائے،دنیا کے حالات بدل رہے ہیں، کشمیریوں کی آزادی ان شاءاللہ قریب ہے،بھارت بنگلہ دیش کا انجام یاد رکھے، جس طرح بنگلہ دیش میں بھارتی اثرورسوخ ،ہتھکنڈے ناکام ہوئے اسی طرح مقبوضہ کشمیر میں‌بھی بھارتی مظالم، ہتھکنڈے ناکام ہوں‌گے . ریاست پاکستان زبانی جمع خرچ کی بجائے اپنی کشمیر پالیسی کو واضح کرے ، کشمیر پالیسی کا ون پوائنٹ ایجنڈا رکھا جائے جوکہ فقط آزادی کشمیر ہو. ریاست کی تمام تر توانائیاں آزادی کشمیر کے لیے صرف ہونی چاہیں۔ ریاست پاکستان اپنے خارجہ و داخلہ دفاتر اور سفارت خانوں میں باقاعدہ کشمیر ڈیسک قائم کرے اور کشمیر پر انٹرنیشنل کانفرنسز منعقد کروائے، میڈیا اور شوبز انڈسٹری میں باقاعدہ تحریک آزادی کشمیر کے لیے لوگ اور وقت مختص کیا جائے۔ دنیا بھر میں کشمیر کے حوالے سے باخبر مندوب مقرر کیے جائیں۔کشمیر ہاؤسز کا قیام کیا جائے،تعلیمی اداروں میں کشمیر کے مسئلہ پر بھر پور تحریک چلا کو قوم کو متحد کیا جائے.ریاست پاکستان کشمیر کا مقدمہ لڑنے کے لیے تمام بڑے سوشل میڈیا پلیٹ فارمز سے کشمیر پر سینسر شپ ختم کروائے تاکہ پاکستان کی ڈیجیٹل فورس بھارتی عزائم کو خاک میں ملا سکے اور ہندو توا کے بھارتی ایجنڈے کی ہولناکیوں کو دنیا کے سامنے آشکار کیا جاسکے۔ بھارت نے پہلگام فالس فلیگ آپریشن کا الزام ماضی کی طرح پاکستان پر عائد کیا اور پاکستان میں مساجد و مدارس پر حملے کئے، پاکستان کی مسلح افواج نے بھارت کو منہ توڑ جواب دیا، بھارت کی جانب سے فالس فلیگ آپریشنز تحریک آزادی کشمیر سے توجہ ہٹانے اور اپنی ریاستی باوردی دہشتگردی پر پردے ڈالنے کے لئے ہیں، بھارت نے اب اگر کوئی مذموم سازش کی تو قوم معرکہ حق کی طرح متحد ہو کر جواب دے گی. کشمیر کے رہنما سید علی گیلانی، آسیہ اندرابی، ڈاکٹر قاسم فکتو، مسرت عالم بھٹ، یسین ملک، برہان وانی اور ڈاکٹر منان وانی سمیت تمام ہیروز جو نہتے تکمیل پاکستان کی جنگ میں شریک تھے اور ہیں، ریاست پاکستان ان کی خدمات کا اعتراف کرے اور ان کو پاکستان کے اعلیٰ ترین ایوارڈز سے نوازے اور تعلیمی نصاب میں ان کی کہانیوں کو جگہ دے۔ دختران ملت کی چیئرمین سیدہ آسیہ اندرابی ،یاسین ملک سمیت دیگر حریت قائدین جو بھارتی جیلوں میں قیدوبند کی صعوبتیں برداشت کر رہے ہیں اور بھارتی عدالتیں انہیں تحریک آزادی کے جرم میں سزاسنا سکتی ہے، پاکستان حریت قائدین کی رہائی کے لئے کردار ادا کرے، امریکی صدر کی جانب سے قائم کردہ بورڈ آف پیس میں پاکستان کشمیر کا مقدمہ بھی اٹھائے، مئی میں ہونے والی جنگ کے بعد بھارت ایکسپوز ہوا، مودی سرکار نے جھوٹا پروپیگنڈہ کر کے پاکستان پر حملہ کرنے کی کوشش کی اور ناکام ہوا، جنگ کے بعد عالمی دنیا کے سامنے بھارت رسوا ہو چکا،اور پاکستان فاتح ٹھہرا، پاکستان کی عسکری برتری دنیا کے سامنے ہے،دفاع وطن کے لئے پاکستان کا بچہ بچہ مسلح افواج کے ساتھ ہے. اقوام متحدہ کے چارٹر کے تحت کشمیریوں کو مسلح جدوجہد کا حق حاصل ہے، پاکستانی قوم کشمیریوں کے ساتھ کھڑی ہے ،مرکزی مسلم لیگ کشمیریوں کی سفارتی، سیاسی اور اخلاقی حمایت اور مدد جاری رکھے گی، ان شاءاللہ