تحریک انصاف کے خلاف فارن فنڈنگ کیس کو خفیہ رکھنے سے متعلق پی ٹی آئی کے وکیل کی درخواست کا معاملہ
پیپلزپارٹی نے وزیراعظم سے تحریک انصاف کے وکیل کی درخواست کے معاملے پر وضاحت دینے کا مطالبہ کرلیا ہے- پیپلزپارٹی کے سیکرٹری جنرل نیر بخاری کا اہم بیان سامنے آگیا ہے- نیر بخاری کہتے ہیں کہ تحریک انصاف کی فارن فنڈنگ کیس کے دستاویز کو خفیہ رکھنے کی درخواست سے پیپلزپارٹی کے خدشات درست ثابت ہوئے ہیں- تحریک انصاف کی فنڈنگ کیس کے دستاویز کو خفیہ رکھنے کا موقف کئی سوالات کو جنم دیتا ہے- وزیراعظم کے بیان اور تحریک انصاف کے وکیل کی درخواست کے بعد تضاد کھل کر سامنے آگیا ہے-
دستاویز کو خفیہ رکھنے کی درخواست سے وزیراعظم کا فنڈنگ کیس سے متعلق جھوٹ کھل کر سامنے آگیا ہے- کچھ روز قبل وزیراعظم نے فارن فنڈنگ کیس کی اوپن سماعت کا بیان دیا- بیان کے فوری بعد ایک بار پھر فنڈنگ کیس کی سماعت کو خفیہ رکھنے کا کہا جاتا ہے-
تحریک انصاف کی درخواست کے بعد ثابت ہوگیا کہ پی ٹی آئی فنڈنگ کیس میں بری طرح پھنس چکی ہے- تحریک انصاف فارن فنڈنگ لینے کا اعتراف کر چکی ہے الیکشن کمیشن کیس کا فیصلہ سنائے-