کابل: افغان طالبان کے اقتدارسنبھالتے ہی کابل شہر کی دیواروں اور بیوٹی پارلرز سے خواتین کی تصاویر ہٹانے کا کام شروع ،اطلاعات کے مطابق افغان طالبان کے آتے ہی شہر کی دیواروں اور خاص طور پر بیوٹی پارلرز سے خواتین کی تصاویر ہٹانے کا کام شروع کردیا گیا ہے۔ تصاویر ہٹانے کے عمل کو سوشل میڈیا پر تنقید کا نشانہ بنایا جارہا ہے۔
افغانستان میں لطف اللہ نجفی زادہ نے سماجی رابطوں کی ویب سائٹ ٹوئٹر پر ایک شخص کی تصویر شیئر کی ہے جسے کابل کی دیواروں پر خواتین کی تصاویر پر سفیدی کرتا دیکھا جاسکتا ہے۔
په کابل ښار کې د يو شمېر سينګارتونونو مالکان د خپلو دوکانو له شیشو د ښځو عکسونه پاکوي.
ویډيو: پژواک نیوز pic.twitter.com/NRLFhH89pB
— Baaghi TV پښتو (@BaaghiTVPashto) August 18, 2021
واضح رہے کہ 2002 سے قبل جب طالبان کی افغانستان میں حکومت تھی تو ان کی جانب سے سنگساری، چوری کی صورت میں ٹانگیں کاٹ دی جاتی تھیں جبکہ 12 سال سے زیادہ عمر کی لڑکیوں کو سکول جانے کی اجازت نہیں تھی۔تاہم اب طالبان اہلکاروں کا کہنا ہے کہ اب ملک میں سزاؤں کے نفاذ فیصلہ صرف عدالتیں کریں گی۔
سماجی رابطے کی ویب انسٹاگرام پر بھی ایک پوسٹ وائرل ہو رہی ہے جس میں دیکھا جاسکتا ہے کہ چند خواتین ایک بیوٹی پارلر کے باہر لگی ہوئی خواتین کی تصاویر کو ہٹا رہی ہیں۔ جبکہ تصویر میں ایک داڑھی والے شخص کو بھی دیکھا جاسکتا ہے جو شائد ان خواتین کی نگرانی کررہا ہے۔
کابل پر قبضے کے بعد خواتین کی تصاویر کو ہٹانے کے عمل کو سوشل میڈیا پر تنقید کا نشانہ بنایا جارہا ہے۔
یاد رہے کہ افغان طالبان کے اس باراقتدارسنبھالنے سے پہلے کابل شہرمیں اس قدرعریانی اورفحاشی عروج پرپہنچ چکی تھی کہ کابل شہرکے بیوٹی پارلرز جہاں ایک طرف میک اپ اورخوبصورتی کے اڈے تھے وہاں یہ عریانی فحاشی کے بھی مرکز تھے
افغان طالبان کے اقتدار سنبھالنے سے پہلے کابل کے بیوٹی پارلروں کی کھڑکیوں پر چسپاں تصاویر افغان خواتین کو کجراری آنکھوں، اور لب و رخسار کی زیبائش کی دعوت دیتی تھیں ، ان آرائشگاہوں میں داخل ہوں تو ایک اور ہی دنیا نظر آتی تھی۔
کابل شہر کی کئی سڑکوں پر بے شمار بیوٹی پارلرز قائم تھے ۔ قدامت پسند افغان معاشرے میں ان آرائش گاہوں کے اندر کوئی مرد نہیں جھانک سکتا ۔
ان بیوٹی پارلروں میں داخل ہوتے ہی خواتین اور نوجوان لرکیوں کے برقعے اور حجاب اتر جاتے تھے۔ چست لباس میں ملبوس لڑکیاں بال گیلے بال خشک کرنے کے دوران باتوں میں مصروف رہتی تھیں اور مختلف کریموں کی ملی جلی خوشبو سے ارد گرد کا ماحول معطر رہتا تھا جس کی خوشبواب بھی دور دور تک محسوس ہورہی ہے
