بہار کے وزیراعلی نتیش کمار نے پولیس افسران کو آر ایس ایس، ا س کے کارکنان اور اس سے جڑی 18دیگر تنظیموں کی معلومات اکٹھا کرنے کی ہدایت کی ہے۔ یہ کام نامہ بہار پولیس کی سپیشل برانچ کو دیا گیا ہے۔
خط میں بہار پولیس کی سپیشل برانچ کی انٹیلی جنس ونگ کی تمام ضلعی برانچز کو معلومات اکٹھا کرنے کا کہا گیا ہے۔
حکم نامہ میں ایک ہفتہ کے اندر آر ایس ایس کے دفتری کارکنان،آرایس ایس سے جڑی تنظیموں کی تفصیلات جیسے نام، فون نمبرز، پتہ اور ان کا ذریعہ معاش جمع کرنے کا کہا گیا ہے۔
ذرائع کے مطابق آر ایس ایس نے اس حکم نامے پر ناراضی کا اظہار کیا ہے۔