جعفر ایکسپریس کے انجن میں اچانک آگ بھڑک اٹھی جس کے بعد ٹرین کو مچھ اسٹیشن پر روک دیا گیا۔ جعفر ایکسپریس کوئٹہ سے راولپنڈی جارہی تھی۔ حکام کی فوری کارروائی سے آگ پر قابو پالیا گیا تاہم انجن کو خاصا نقصان پہنچا۔ حادثے میں کوئی جانی نقصان نہیں ہوا جب کہ کسی شخص کے زخمی ہونے کی بھی اطلاع نہیں۔ متاثرہ انجن کی مرمت کا کام ریلوےاسٹیشن کی گیراج میں جاری ہے جب کہ ٹرین کی روانگی کے لئے دوسرا انجن طلب کر لیا گیا ہے۔