سعودی عرب نے حج کے بعد عمرے کے کتنے ویزے جاری کیے

سعودی عرب میں حج سے بعد عمرہ سیزن شروع ہوتے ہی سعودی عرب نےویزے جاری کیے ہے.اس سلسلے میں اعدادو شمار جاری کیے ہیںِ

تفصیلات کے مطابق سعودی عرب میں حج اور عمرے کی وزارت کی جانب سے اعلان میں بتایا گیا ہے کہ حج سیزن کے بعد سے رواں ماہ 12 ربیع الاول تک عمرے کے 1,050,665 ویزے جاری کیے گئے۔ اس عرصے میں 838,464 معتمرین مملکت پہنچے جب کہ فی الوقت مملکت میں موجود معتمرین کی تعداد 298,002 ہے۔

یاد رہے کہ وزارت حج و عمرہ نے "مقام” کے نام سے بکنگ کے مرکزی نظام کی ویب سائٹ متعارف کرائی ہے۔ یہ نظام خدمات فراہم کرنے والی عمرہ کمپنیوں، ہوٹلوں اور ٹرانسپورٹ کمپنیوں کو معتمرین اور مسجد نبوی کے زائرین کے ساتھ سفر کے عالمی پلیٹ فارموں کے ذریعے براہ راست معاہدے کا موقع فراہم کرتا ہے۔ اس کا مقصد فریقین کے حقوق کا تحفظ اور ان کے درمیان خدمات کو جانچ اور شفافیت کی اعلی ترین سطح پر پہنچانا ہے۔