راولپنڈی میں اڈیالہ جیل کے گیٹ پر فواد چوہدری اور بیرسٹر شعیب شاہین کے درمیان جھگڑا ہوگیا۔ یہ واقعہ اڈیالہ جیل کے گیٹ نمبر پانچ پر پیش آیا، جہاں دونوں رہنما ایک دوسرے سے برہمی کا اظہار کرتے ہوئے لڑ پڑے۔
ذرائع کے مطابق فواد چوہدری نے شعیب شاہین کو "ٹاؤٹ” کہہ کر تنقید کی، جس پر شعیب شاہین نے جواب دیتے ہوئے فواد چوہدری سے کہا کہ وہ اپنے کام سے کام رکھیں۔ یہ الفاظ دونوں کے درمیان تلخ کلامی کا سبب بنے، جس کے بعد فواد چوہدری نے شعیب شاہین کو تھپڑ مارا۔ اس دھکے کے نتیجے میں شعیب شاہین زمین پر گر گئے، اور ان کے بازو پر چوٹ آئی۔اس تنازعے کے بعد فواد چوہدری جیل کے اندر داخل ہو گئے، جب کہ شعیب شاہین کو اڈیالہ جیل کے سپرنٹنڈنٹ نے اندر بلالیا۔