پاکستان پیپلزپارٹی نے خیبر پختونخوا کے بلدیاتی الیکشن میں نا مکمل فارم 45 جاری کرنے پر الیکشن کمیشن کو شکایت بھیج دی۔
پاکستان پیپلزپارٹی کی شکایت میں کہا گیا ہے کہ میئر پشاور کی نشست پر 22 پولنگ اسٹیشن کےفارم 45 کاصرف ایک صفحہ جاری کیا گیا جبکہ 22 پولنگ اسٹیشنز کے فارم45 میں پی ٹی آئی امیدوارکےنتائج نہیں دیےگئے۔
پیپلزپارٹی کا کہنا ہے کہ اطلاعات ہیں کہ پی ٹی آئی امیدواروں کو فائدہ دینے کیلئےنامکمل فارم 45 جاری کیاگیا۔
شکایت میں مزید کہا گیا ہے کہ الیکشن اسٹاف کو فوری طورپر مکمل فارم 45جاری کرنےکی ہدایات دی جائیں۔
پاکستان پیپلزپارٹی پارلیمنٹرینز کی نائب صدر سینیٹر شیری رحمان کا خیبرپختونخوا کے مختلف اضلاع میں نتائج روکے جانے پر تشویش کا اظہار
اگر خیبرپختونخوا میں دھاندلی کی کوشش کی گئی تو اس کے بھاری نتائج کے لئے حکومت تیار رہے، شیری رحمان کی وارننگ@sherryrehman
— Pakistan Peoples Party – PPP (@PPP_Org) December 19, 2021
دوسری طرف پاکستان پیپلزپارٹی پارلیمنٹرینز کی نائب صدر سینیٹر شیری رحمان کا خیبرپختونخوا کے مختلف اضلاع میں نتائج روکے جانے پر تشویش کا اظہارکیا ہے اور الیکشن کمیشن کو وارننگ دی ہے
شیریں رحمان الیکشن کمیشن کو وارننگ دیتے ہوئے کہا کہ اگر خیبرپختونخوا میں دھاندلی کی کوشش کی گئی تو اس کے بھاری نتائج کے لئے حکومت تیار رہے،