ٹرک ڈرائیور کی بیٹی نے پنجاب یونیورسٹی میں ٹاپ کر دیا

چکوال کی تحصیل تلہ گنگ سے تعلق رکھنے والی نوشابہ نے پنجاب یونیورسٹی کی تاریخ میں بی ایس سی کے امتحان میں سب سے زیادہ نمبر حاصل کیے اور ثابت کردیا کہ دنیا میں محنت،شوق اور مستقل مزاجی کا کوئی نمل بدل نہیں اور اگر کوئی شخص ان خصوصیات کو اپنی شخصیت میں ڈھال لے تو کامیابی اس کے قدم ضرور چومتی ہے، نوشابہ نے پنجاب یونیورسٹی سے الحاق شدہ وی آئی پی گرلز ڈگری کالج سے بی ایس سی کی تعلیم حاصل کی اور اول پوزیشن حاصل کی،
تفصیلات کے مطابق پنجاب یونیورسٹی نے بروز منگل بی اے اور بی ایس سی کے نتائج کا اعلان کیا اور ٹاپ کرنے والی لڑکی نوشابہ نے 800 میں سے 714 نمبر حاصل کیے جو کہ پنجاب یونیورسٹی کی تاریخ کے بی ایس سی میں حاسل کیے جانے والے سب سے زیادہ نمبر ہیں