مرکزی مسلم لیگ کے صدر خالد مسعود سندھو نے کہا ہے کہ امریکا اور ایران کے مابین مذاکرات کے سلسلے میں دونوں ممالک کے وفود اسلام آباد پہنچ چکے ہیں، پوری قوم دعاگو ہے کہ یہ مذاکرات کامیابی سے ہمکنار ہوں ،مذاکرات کا سہرا پاکستان کے سر سج چکا ہے،
خالد مسعود سندھو کا کہنا تھا کہ پاکستان ہمیشہ سے امن کا داعی اور خطے میں استحکام کا خواہاں رہا ہے۔اللہ رب العزت نے پاکستان کو ایک باوقار مقام عطا کیا ،آج عالمی برادری پاکستان کے مثبت اور ذمہ دارانہ کردار کو تسلیم کر رہی ہے، فاتح پاکستان کا روشن اور فعال کردار دنیا کے سامنے ایک مثال بن چکا ہے ، پاکستان نہ صرف خود امن پسند ملک ہے بلکہ وہ خطے میں دیرپا امن کے قیام کے لیے بھرپور اور مخلصانہ کوششیں جاری رکھے ہوئے ہے، موجودہ حالات میں پاکستان کا یہ کردار نہایت اہمیت کا حامل ہے اور عالمی سطح پر اس کی پذیرائی بھی ہو رہی ہے ، اسلام آباد میں ہونے والے مذاکرات کی کامیابی کے لئے دعا گو ہیں، مذاکرات کی کامیابی سے نہ صرف خطے بلکہ پوری دنیا میں امن، استحکام اور خوشحالی آئے گی