مرکزی مسلم لیگ کے صدر خالد مسعود سندھو نے کہا ہے کہ حکمرانوں کی توانائی کے حوالہ سے کوئی مستقل پالیسی نہیں ، آئے روز نئے فیصلے کر کے قوم کو پریشان کرنا اور غریبوں کو دیا گیا ریلیف واپس لینا حکمرانوں کا وطیرہ بن چکا ہے،سولر صارفین سے بجلی سستے داموں خرید کر پھر مہنگی بیچنا حکومت کا عوام دشمن، ظالمانہ فیصلہ ہے، اسےمسترد کرتے ہیں
ان خیالات کا اظہار انہوںنے نیپرا کے سولر سے متعلق نئے ریگولیشنز پر ردعمل دیتے ہوئے کیا، خالد مسعود سندھو کا کہنا تھا کہ یوں لگتا ہے کہ حکمران خود عیاشیاں کرنے حکومت میں آئے، غریب عوام کی کسی کو کوئی فکر نہیں،سولر سے متعلق نیا فیصلہ ثابت کرتا ہے کہ موجودہ حکومت عام شہری کو ریلیف نہیں دینا چاہتی،بھاری بھر بجلی کےبلوں نے عوام کی کمر توڑ دی تھی،جس کے بعد عوام مہنگی بجلی، لوڈشیڈنگ اور حکومتی نااہلی سے تنگ آکر سولر کی طرف گئی،اب سولر کا نیا ریگولیشن عوام کے حق پر کھلا ڈاکہ ہے،مرکزی مسلم لیگ عوامی حقوق کے تحفظ کے لئے میدان میں ہو گی، ہم حکومت کے غلط فیصلوں کو مسترد کرتے ہیں،ضرورت اس امر کی ہے کہ عوام دشمن فیصلہ فوراً واپس لیا جائے، بجلی مافیا کے سامنے گھٹنے ٹیکنے کے بجائے غریب شہریوں کو ریلیف دیا جائے.