یاسر شاہ کی شاندار سنچری نے پاکستانی کرکٹ فینز کو فالو آن کا غم بھلا دیا
تفصیلات کے مطابق پاکستان کی ٹیم مجموعی طور پر تو اچھی کارکردگی نہ دکھا سکی لیکن مایہ ناز سپنر باؤلر یااسر شاہ نے شاندار بیٹنگ کا مظاہرہ کرتے ہوئے اپنے ٹیسٹ کیرئیر کی پہلی سنچری اسکور کی، انہوں نے 192 گیندوں پر 12 چوکوں کی مدد سے سنچری بنائی۔ یاسر شاہ 113 رنز بنا کر کیچ آؤٹ ہوئے جب کہ محمد موسیٰ 12 رنز بنا کر ناٹ آؤٹ رہے۔
دومیچوں پر مشتمل ٹیسٹ سیریز کے دوسرے میچ میں پاکستان اپنی پہلی اننگز میں یاسر شاہ کی شاندار سینچری کی بدولت 302 رنز بنا کر آؤٹ ہو گیا جبکہ آسٹریلیا نے گرین شرٹس کو فالو آن کر دیا ہے۔
ایڈ یلیڈ کے میدان میں کھیلے جانے والے میچ کے تیسرے دن قومی ٹیم نے 6 وکٹوں کے نقصان پر 96 رنز کے ساتھ اننگز کا آغاز کیا جو اچھا ثابت ہوا۔ بابر اعظم نے اپنی نصف سینچری مکمل کی اور وہ نروس 90 کا شکار ہو کر 97 پر آؤٹ ہو گئے، اس دوران یاسر شاہ کا بلا رنز اگلتا رہا اور انہوں نے اپنے کریئر کی پہلی سینچری داغی وہ 113 رنز بنا کر آؤٹ ہوئے۔