کینیڈا کی معروف ٹریول بلاگر نے اسلام قبول کر لیا

کینیڈا کی معروف موٹر سائیکلسٹ اور ٹریول بلاگر روزی گیبریل نے اسلام قبول کرلیا

سماجی رابطے کی ویب سائٹ انسٹاگرام پر روزی گیبریل نے اپنے تصدیق شدہ اکاؤنٹ سے ہاتھ میں قرآن مجید تھامے تصویریں شئیرکیں اور مذہب تبدیل کرنے کا اعلان کیا



روزی نے اپنی تصویریں شیئر کرتے ہوئے لکھا کہ 2019 ان کی زندگی کا سب سے مشکل ترین سال تھا جس میں انہوں نے بہت سے مشکل فیصلے لیے انہوں نے لکھا کہ انہیں اپنی زندگی میں بہت سے چیلنجز اور مشکلات کا سامنا تھا انہوں نے لکھا کہ میں نے اپنی زندگی میں ہمیشہ تکلیف اور غم و غصے کی حالت میں ہمیشہ خدا سے شکایت کی کہ آزمائش کے لیے میں ہی کیوں؟

انہوں نے لکھا کہ میں نے روحانیت میں اپنے خوف کا حل تلاش کیا اور اپنے مذہب سے 4 سال قبل دوری اختیار کی انہوں نے مزید لکھا کہ میں اپنی زندگی میں غصے اور تکلیف سے نجات چاہتی تھی اور سکون چاہتی تھی میں تکلیفوں سے نجات چاہتی تھی اور دلی طور پر سکون چاہتی تھی کہ قدرت نے مجھے پاکستان بھیجا جہاں مجھے اپنی منزل مل گئی

بلاگرز کے مطابق گزشتہ 10 سال میں نے مسلم دنیا میں گزارے اور یہاں مجھے جو چیز سب سے زیادہ ملی وہ سکون تھا بدقسمتی سے اسلام کو دنیا میں غلط معنوں میں پیش کیا جاتا ہے جبکہ اسلام کے اصل معنی امن، انسانیت اور یکسانیت و برابری کے ہیں

انہوں نے کہا کہ میں اب باضابطہ طور پر مسلمان ہوگئی ہوں اپنی پوسٹ کے آخر میں انہوں نے اپنے مداحوں سے کہا کہ اگر ان کے ذہن میں اس حوالے سے کوئی سوال ہو تو وہ کمنٹ کر کے پوچھ سکتے ہیں