پاکستان کے صدراتی ایوارڈ یافتہ گلوکار اعجاز قیصر انتقال کر گئے
باغی ٹی وی : پاکستان کے صدراتی ایوارڈ یافتہ گلوکار اعجاز قیصر انتقال کر گئے وہ دل، گردوں اور پھیپھڑوں کے امراض میں مبتلا تھے۔ گلوکار نے اپنی آواز سے نہ صرف پاکستان بلکہ دنیا بھر میں موسیقی کے ساتھ محبت رکھنے والوں کے درمیان اپنی ایک منفرد شناخت بنائی
68 سالہ اعجاز قیصر بیماری کے باعث ایک عرصے سے گمنامی اختیار کر چکے تھے۔ دنیا بھر میں پاکستان کا نام روشن کرنے والے اعجاز قیصرکے دل کی شریانیں بند اور گردوں کی بیماری کے باعث وہ بہت کمزور بھی ہو چکے تھے، گزشتہ رات انہیں مقامی ہسپتال منتقل کیا گیا لیکن وہ جانبر نہ ہوسکے۔
اعجاز قیصر کے بیٹے ممتاز قیصر کے مطابق انہیں آج مقامی قبرستان میں سپرد خاک کیا جائے گا